بەيرەسمي دەرەكتەرگە سايكەس وبلىس اكىمدىگى عيماراتىنىڭ جانىندا ءوزىن ورتەگەن ەر ادام قايتىس بولعانى ايتىلدى، دەپ حابارلايدى "ادىرنا" ۇلتتىق پورتالى lada.kz-كە سىلتەپ.
وبلىستىق اكىمدىك عيماراتىنىڭ ماڭىندا ءوزىن-ءوزى ورتەپ جىبەرگەن ەر ادامنىڭ ءولىمى تۋرالى اقپارات 18 جەلتوقسان كۇنى تاڭەرتەڭ كەلىپ تۇسكەن. الايدا ونىڭ انىق-قانىعى تۋرالى ەشكىم كومەنتاري بەرمەگەن.
Lada.kz مالىمەتىنشە، اكىمدىا پەن مەديتسينالىق مەكەمە باسشىلىعىنان جاعدايعا قاتىستى ەشقانداي تۇسىنىكتەمە بولماعان.
سوڭعى رەت دارىگەرلەر جابىرلەنۋشىنىڭ جاعدايى تۋرالى 16 جەلتوقساندا تۇسىنىكتەمە بەرگەن.
ايتا كەتەيىك، قايعىلى وقيعا 5 جەلتوقساندا بولعان. وبلىس اكىمدىگى ەر ادامنىڭ وبلىس اكىمىمەن جەكە كەزدەسۋىن تالاپ ەتكەنىن، بىراق وعان قارسىلىق بىلدىرگەنىن، سودان كەيىن وبلىس اكىمدىگىندە ءوزىن-ءوزى ورتەپ جىبەرگەنىن ايتتى. ەر ادامنىڭ جاعدايى اۋىر دەپ باعالانىپ، پوليتسيا قىلمىستىق ءىس قوزعاعان ەدى. جەلىدە ءوزىن-ءوزى ورتەپ جىبەرگەن ۆيدەو دا پايدا بولدى.
