اقتاۋ قالاسىنىڭ تىنىسى بۇگىن وزگەشە سەزىلدى. تاڭعى تەڭىزدىڭ سالقىنىمەن بىرگە ءبىر ءۇمىت، ءبىر جاڭا قادام بوي كوتەرگەندەي. اقتاۋدا حالىقارالىق ستاندارتقا ساي جاڭا مەديتسينالىق ورتالىق – Asiakoz International Hospital سالتاناتتى تۇردە ەسىگىن ايقارا اشتى. بۇل – جاي كلينيكا ەمەس، كوزدىڭ نۇرىن قايتاراتىن، الەمدىك دەڭگەيدەگى تەحنولوگيانى ماڭعىستاۋعا جەتكىزگەن ءىرى جوبا.
بۇل ورتالىق – شەتەلدىك تاجىريبە مەن وتاندىق بىلىكتى كادرلاردىڭ توعىسقان مەكەنى. جينالعان جۇرتتىڭ دەنى – مەديتسينانىڭ دامۋىنا بەيجاي قارامايتىن، ءوڭىر بولاشاعىنا جاناشىر ازاماتتار. اشىلۋ ءراسىمىن بەلگىلى جۋرناليست ءارى جۇرگىزۋشى انۋاربەك بيماعامبەت جۇرگىزدى. ءار ءسوزى سالماقتى، ءار ءۇزىلىسى ءدال قويىلعان.
“بۇل ورتالىق – ءوڭىردىڭ جاڭا تىنىسى،” – دەدى ول.
سول ساتتە LED-ەكراندا ءتورت مينۋتتىق بەينەفيلم قوسىلدى. بۇل فيلم ءتورت جىلدىق تىنىمسىز ەڭبەكتىڭ كورىنىسىندەي بولدى: جانعا شۋاق سىيلاعان ساتتەر، كورۋ قابىلەتى قالپىنا كەلگەن پاتسيەنتتەردىڭ قۋانىشى، شاعىن كوماندادان حالىقارالىق سەرىكتەستىككە دەيىنگى جول… Asiakoz جايلى فيلم ەمەس، ادامداردىڭ تاعدىرى ايتىپ تۇرعانداي.
فيلم اياقتالعان سوڭ ساحناعا كلينيكانىڭ باس ديرەكتورى ەرجانار اشەيحان كوتەرىلدى – سوزگە جۇيرىك، ويى جيناقى باسشى.
“ماقساتىمىز – اقتاۋعا ساپالى مەديتسينانىڭ جاڭا دەڭگەيىن قالىپتاستىرۋ. بۇل كلينيكا – جاي عيمارات ەمەس، ۇلكەن يدەيانىڭ ىسكە اسۋى،” – دەدى ول.
كەلەسى ءسوز ءساتجان توقتاربايعا بەرىلدى – كلينيكانىڭ نەگىزىن قالاۋشى، يدەيا اۆتورى، جوبانىڭ جۇرەگى. ول الدىمەن قازاقشا، كەيىن تۇرىكشە سويلەدى.
ء“بىزدىڭ ارمانىمىز – تەك ەمدەۋ ەمەس، الەمدىك مەديتسينالىق مادەنيەتتى وسى وڭىرگە اكەلۋ. بۇل – قازاقستان مەن تۇركيا اراسىنداعى سەنىمنىڭ بەلگىسى،” – دەدى ول. تۇرىك اۋديتورياسىنا ارنالعان ءسوزى ايقىن، انىق، ەموتسياسىز بولسا دا ەرەكشە اسەرلى شىقتى.
سالتاناتتى ءراسىم وبلىس اكىمىنىڭ ورىنباسارى مەن اقتاۋ قالاسى اكىمىنىڭ قۇتتىقتاۋىمەن جالعاستى. ارتىق ءسوزسىز، ءوڭىر ءۇشىن ماڭىزدى ءىستى قولداۋدىڭ ءوزى – ۇلكەن بەلگى.
ەڭ اسەرلى ءسات – كلينيكانىڭ ناعىز پاتسيەنتىنىڭ ساحناعا شىعۋى بولدى.
“بۇل كلينيكا مەنىڭ كورۋىمدى ەمەس، ءومىرىمدى قايتاردى،” – دەدى ول.
ءبىر-اق سويلەم. بىراق اسەرى – ءبىر كىتاپقا تاتيدى.
ءراسىمنىڭ رەسمي بولىگى اياقتالعانىن انۋاربەك بيماعامبەت حابارلاپ، قوناقتاردى “Caspina Riverada” مەيرامحاناسىنداعى قوناقاسىعا شاقىردى. الايدا قازاق سالتى بويىنشا باتا بەرىلمەي، يگى ءىس باستالمايدى. ساحناعا شىققان دەنساۋلىق ساقتاۋ سالاسىنىڭ ارداگەرى اق باتاسىن بەرىپ، لەنتا قيۋ راسىمىنە جول اشتى.
لەنتا قيىلدى.
شاشۋ شاشىلدى.
جانداربەك پەن سىرىمنىڭ ارناۋى اۋەزدى ۇنمەن جاراستى. ءبىر مادەنيەتتى ەكىنشى مادەنيەتپەن، ءبىر يدەيانى كەلەشەك بۋىنمەن جالعاعانداي اسەر قالدىردى.
بۇگىن – جاي عانا نىساننىڭ اشىلۋى ەمەس.
بۇگىن – ماڭعىستاۋدىڭ مەديتسينالىق كارتاسىندا جاڭا ءداۋىردىڭ باستالۋى.
تەحنولوگياسى قۋاتتى، دارىگەرى بىلىكتى، امبيتسياسى ايقىن كلينيكانىڭ اقتاۋدا بوي كوتەرۋى – ءوڭىر دەنساۋلىعىنا دا، ەل سەنىمىنە دە جاسالعان ناقتى قادام.
Asiakoz International Hospital — جارىقتى قايتا وياتاتىن جاڭا ءۇمىت.
قازاقستاننىڭ باتىسىنا كەلگەن جاڭا نۇر.
