بۇگىن ىستانبۇلدا بەلگىلى ايتىسكەر «التىن دومبىرا» يەگەرى اسپانبەك شۇعاتايدىڭ «قانىشناما» كىتابىنىڭ تۇساۋ كەسەرى بولدى، دەپ حابارلايدى “ادىرنا” ۇلتتىق پورتالى.
تۇساۋ كەسەر ىستانبۇلدىڭ ساپاكوي اۋدانىنداعى قازاقستان مادەنيەت جانە ساۋدا ورتالىعىندا ءوتتى. اتالعان شاراعا تۇركياداعى قازاقستان مادەنيەت جانە ساۋدا ورتالىعىنىڭ باسشىسى ەرجان ءۋايىس، حالىقارالىق «تۇركسوي» ۇيىمى باسشىسىنىڭ ورىنباسارى سانجار مۋلازيموگلى، «ءومىر جولىمداعى سوڭعى كوش» كىتابىنىڭ اۆتورى ابدۋرراحمان چەتين، تاريح عىلىمدارىنىڭ دوكتورى، پروفەسسور ابدىۋاقاپ قارا، مانسۇر تايجى، فازلى توپلى، ءاسيا عايسا، بەشىر كوسە، ابدۋلحاليم قاراقول، مۇرات تەمىس، قىدىر جۇما، دانيار يمانبەك، رۋسلان بەگەن جانە تاعى باسقادا تۇلعالار قاتىستى.
«قانىشناما» كىتابى پوەما نەگىزىندە جازىلعان ەكەن. كىتاپتا ۇلى عالىم قانىش ساتباەۆتىڭ بۇكىل ءومىر جولى مەن اتقارعان قىزمەتتەرى پوەما نەگىزىندە سۋرەتتەلگەن. كىتاپ قالتاعا سالىپ جۇرگەنگە ىڭعايلى كىشىگىرىم ەتىپ شىعارىلعان. كىتاپ تۇساۋكەسەرىنەن كەيىن ەلدەن بارعان ايتىسكەر اقىن ديدار قاميەۆ پەن كىتاپ اۆتورى اسپانبەك شۇعاتاەۆ ايتىستان شاشۋ شاشتى. تۇركيا جەرىندەگى قازاقتاردا ايتىستى ساعىنىپ قالعان ەكەن.
جالپى، تۇساۋكەسەر قازاقتىڭ بىرلىگىن، قازاقتىڭ اتا-ءداستۇرىن، رۋحاني مادەنيەتىن انادولى جەرىندە ءبىر كوتەرىپ جىبەردى.
