Búgin Ystanbulda belgili aıtysker «Altyn dombyra» ıegeri Aspanbek Shuǵataıdyń «Qanyshnama» kitabynyń tusaý keseri boldy, dep habarlaıdy “Adyrna” ulttyq portaly.
Tusaý keser Ystanbuldyń Sapakóı aýdanyndaǵy Qazaqstan mádenıet jáne saýda ortalyǵynda ótti. Atalǵan sharaǵa Túrkııadaǵy Qazaqstan mádenıet jáne saýda ortalyǵynyń basshysy Erjan Ýáıis, Halyqaralyq «TÚRKSOI» uıymy basshysynyń orynbasary Sanjar Mýlazımogly, «Ómir jolymdaǵy sońǵy kósh» kitabynyń avtory Abdýrrahman Chetın, tarıh ǵylymdarynyń doktory, professor Ábdiýaqap Qara, Mansur Taıjy, Fazly Toply, Ásııa Ǵaısa, Beshir Kóse, Abdýlhalım Qaraqol, Murat Temis, Qydyr Juma, Danııar Imanbek, Rýslan Begen jáne taǵy basqada tulǵalar qatysty.
«Qanyshnama» kitaby poema negizinde jazylǵan eken. Kitapta uly ǵalym Qanysh Satbaevtyń búkil ómir joly men atqarǵan qyzmetteri poema negizinde sýrettelgen. Kitap qaltaǵa salyp júrgenge yńǵaıly kishigirim etip shyǵarylǵan. Kitap tusaýkeserinen keıin elden barǵan aıtysker aqyn Dıdar Qamıev pen kitap avtory Aspanbek Shuǵataev aıtystan shashý shashty. Túrkııa jerindegi qazaqtarda aıtysty saǵynyp qalǵan eken.
Jalpy, tusaýkeser qazaqtyń birligin, qazaqtyń ata-dástúrin, rýhanı mádenıetin Anadoly jerinde bir kóterip jiberdi.
