جەلىدە استانادا سەرفينگ تاقتاسىمەن جولدى ءجۇزىپ ءوتىپ بارا جاتقان ارۋدىڭ ۆيدەوسى تاراپ كەتتى، - دەپ حابارلايدى “ادىرنا” ۇلتتىق پورتالى.
كادرلارعا قاراعاندا، ۆيدەو استاناداعى يمانوۆ كوشەسىنىڭ بويىندا تۇسىرىلگەن. تۇسىنىكتەمەلەردە كوپشىلىك جىگىتكە ايىپپۇل سالىنادى دەپ قاۋىپتەنگەن. ەستەرىڭىزگە سالا كەتەيىك، 2018 جىلى جولدى قايىقپەن كەسىپ وتكەن استانالىقتار 12 مىڭ تەڭگە ايىپپۇل تولەگەن بولاتىن.
تولاسسىز جاڭبىر سالدارىنان ەلوردا كوشەلەرىن قايتادان سۋ باستى. كوپتەگەن اۋدانداردا سۋ باسقاننان اسفالت كورىنبەي قالعان، ال كولىكتەر جاي ءجۇرىپ قانا قويماي، ءجۇزىپ وتۋدە. ال جاياۋ جۇرگىنشىلەرگە كەلسەك، ولار دىتتەگەن جەرىنە بارار جولدا سۋ كەدەرگىلەرىنەن قورىقپاي ءوتۋدى ادەتكە اينالدىرعان.
