بەلگىلى اقىن، جۋرناليست مىلتىقباي ەرىمبەتوۆ ومىردەن وزدى. قارالى حاباردى اقىن، جۋرناليست قاسىمحان بەگمانوۆ جەتكىزدى، دەپ حابارلايدى «ادىرنا» ءتىلشىسى.
«بۇگىن، 7 ماۋسىمدا تالانتتى اقىن، بەلگىلى جۋرناليست، قازاقستان جازۋشىلار وداعىنىڭ باسقارما مۇشەسى، حالىقارالىق "الاش" ادەبي سىيلىعىنىڭ لاۋرەاتى مىلتىقباي ەرىمبەتوۆتىڭ كەنەتتەن جۇرەگى توقتاپ، 68 جاسىندا ومىردەن ءوتتى. اقىندى ۇلى ەربولات مىلتىقبايۇلى جاقىندارىمەن بىرگە بىرنەشە كولىكپەن تۋعان جەرى جەتىسايعا الىپ كەتتى. ەرتەڭ ساعات:11:00-دە جەتىساي اۋدانىنىڭ "تەلمان" اۋىلىنداعى اتا - اناسىنىڭ قاراشاڭىراعىندا اقىننىڭ جانازاسى وتەتىن بولدى»،—دەپ جازدى ول.
مىلتىقباي ەرىمبەتوۆ 1956 جىلى تۇركىستان وبلىسىندا، جەتىسايدا تۋعان. 1977 جىلى قازمۋ-ءدىڭ (قازىرگى قازۇۋ — رەد.) جۋرناليستيكا فاكۋلتەتىن بىتىرگەن. ول — «بالقايماق»،» وتىرار توبە»، «اينالايىن اناشىم»، «باستاۋ» كىتاپتارىنىڭ اۆتورى.
الدى-ارتى سۇم دۇنيە وسى ەكەن عوي،
تىرشىلىك جەتەلەسكەن كوش ەكەن عوي.
ارتقىعا - ۇرپاق ميراس، ءىسىڭ - اڭىز،
قازىنا، بايلىق جيۋ – بوس ەكەن عوي... - دەپ جىرلاعان ەدى اقىن جۇرەگى.
