Belgili aqyn, jýrnalıst Myltyqbaı Erimbetov ómirden ozdy. Qaraly habardy aqyn, jýrnalıst Qasymhan Begmanov jetkizdi, dep habarlaıdy «Adyrna» tilshisi.
«Búgin, 7 maýsymda talantty aqyn, belgili jýrnalıst, Qazaqstan Jazýshylar odaǵynyń Basqarma múshesi, halyqaralyq "Alash" ádebı syılyǵynyń laýreaty Myltyqbaı Erimbetovtyń kenetten júregi toqtap, 68 jasynda ómirden ótti. Aqyndy uly Erbolat Myltyqbaıuly jaqyndarymen birge birneshe kólikpen týǵan jeri Jetisaıǵa alyp ketti. Erteń saǵat:11:00-de Jetisaı aýdanynyń "Telman" aýylyndaǵy ata - anasynyń qarashańyraǵynda aqynnyń janazasy ótetin boldy»,—dep jazdy ol.
Myltyqbaı Erimbetov 1956 jyly Túrkistan oblysynda, Jetisaıda týǵan. 1977 jyly QazMÝ-diń (qazirgi QazUÝ — red.) jýrnalıstıka fakýltetin bitirgen. Ol — «Balqaımaq»,» Otyrar tóbe», «Aınalaıyn anashym», «Bastaý» kitaptarynyń avtory.
Aldy-arty sum dúnıe osy eken ǵoı,
Tirshilik jetelesken kósh eken ǵoı.
Artqyǵa - urpaq mıras, isiń - ańyz,
Qazyna, baılyq jııý – bos eken ǵoı... - dep jyrlaǵan edi aqyn júregi.
