بۇگىن، 7 ماۋسىمدا epetition.kz سايتىندا «بۇرىنعى ۋاقىتتى قايتارۋ» دەگەن اتاۋمەن جاريالانعان پەتيتسيا ءتيىستى 50 مىڭ قولدى جينادى. ەندى ەلىمىزدە بىرىڭعاي ۋاقىت بەلدەۋىن الىپ تاستاۋ ماسەلەسى قارالاتىن بولادى، دەپ حابارلايدى «ادىرنا» ءتىلشىسى.
ساۋدا جانە ينتەگراتسيا مينيسترلىگى پەتيتسيانى قاراستىرۋعا قابىلداپ العانىن، بۇل پروتسەسكە 40 كۇن كەتەتىنىن مالىمدەدى.
«مينيسترلىك مۇددەلى تاراپتاردىڭ، مەملەكەتتىك ورگاندار مەن قوعامدىق بىرلەستىك وكىلدەرىن قامتيتىن جۇمىس توبىن ۇيىمداستىرادى. ءوتىنىشتى قاراۋ پروتسەسى زاڭ تالاپتارىنا سايكەس جۇرگىزىلەدى»،- دەلىنگەن حابارلامادا.
قازاقستان 1 ناۋرىزدان باستاپ بىرىڭعاي ۋاقىت بەلدەۋىنە كوشكەن ەدى.
ايتا كەتەيىك، پرەزيدەنت قاسىم-جومارت توقاەۆ 2023 جىلى قازان ايىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قوعامدىق باقىلاۋ، اكىمشىلىك راسىمدەردى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا قول قويدى. بۇل زاڭ بويىنشا 50 مىڭنان اسا داۋىس جيناعان پەتيتسيانى ۇكىمەت قاراۋعا ءتيىس.
بۇعان دەيىن ۋتيلالىمىنا قارسى پەتيتسيا 50 مىڭ قول جينادى.
