50 мың дауыс жиналса, үкімет қарайды. Тоқаев петиция туралы заңға қол қойды

Мемлекет басшысы Қасым-Жомарт Тоқаев 50 мыңнан астам дауыс жинаған азаматтық петициялар Үкімет деңгейінде қаралатынын белгілейтін заңға қол қойды, деп хабарлайды «Адырна» ұлттық порталы.

Ақорда сайтында «Мемлекет басшысы» қоғамдық бақылау туралы «Қазақстан Республикасының Заңына қол қойды», - делінген ⠀Заңның міндеттері: – Қазақстан Республикасының азаматтарын қоғамдық бақылау процесіне тарту; – Қазақстан Республикасының жалпыұлттық басымдықтары шеңберінде орындалатын жобалардың сапалы іске асырылуын қамтамасыз ету; – қоғамдық бақылау объектілерінің шешім қабылдауы кезінде қоғамдық пікірді есепке алуды қамтамасыз ету; –  қоғамдық бақылау объектілері қызметінің қолжетімділігі мен ашықтығын қамтамасыз ету. Заң өтінішті міндетті түрде қарау үшін дауыстың келесі шекті мәндерін белгілеген: – 50 мың халқы бар аудандық деңгей – 2,5 мың дауыс, қалғандары үшін –халық санының кемінде 5 пайызы; –  мәслихаттардың құзыретіне жататын мәселелер бойынша аудандық деңгей, халық саны 50 мыңнан асатын болса, 5 мың дауыс, қалғандары үшін –халықтың кемінде 10 пайызы болуы тиіс; – облыстық деңгей (әкімдіктердің құзыреті мәселелері бойынша) – дауыс беру құқығы тиісті әкімшілік-аумақтық бірлік халқының 1 пайызына ие болуы тиіс; – облыстық деңгей (мәслихаттардың құзыретіне жатқызылған мәселелер бойынша) – тиісті әкімшілік-аумақтық бірлік халқының кемінде 2 пайызы; –  республикалық деңгей (Үкіметтің құзыретіне жататын мәселелер бойынша) – кемінде 50 мың дауыс.

«Адырна» ұлттық порталы