Bügın, 7 mausymda epetition.kz saitynda «Būrynǧy uaqytty qaitaru» degen ataumen jariialanǧan petisiia tiıstı 50 myŋ qoldy jinady. Endı elımızde bıryŋǧai uaqyt beldeuın alyp tastau mäselesı qaralatyn bolady, dep habarlaidy «Adyrna» tılşısı.
Sauda jäne integrasiia ministrlıgı petisiiany qarastyruǧa qabyldap alǧanyn, būl proseske 40 kün ketetının mälımdedı.
«Ministrlık müddelı taraptardyŋ, memlekettık organdar men qoǧamdyq bırlestık ökılderın qamtityn jūmys tobyn ūiymdastyrady. Ötınıştı qarau prosesı zaŋ talaptaryna säikes jürgızıledı»,- delıngen habarlamada.
Qazaqstan 1 nauryzdan bastap bıryŋǧai uaqyt beldeuıne köşken edı.
Aita keteiık, Prezident Qasym-Jomart Toqaev 2023 jyly qazan aiynda «Qazaqstan Respublikasynyŋ keibır zaŋnamalyq aktılerıne qoǧamdyq baqylau, äkımşılık räsımderdı jetıldıru mäselelerı boiynşa özgerıster men tolyqtyrular engızu turaly» zaŋ jobasyna qol qoidy. Būl zaŋ boiynşa 50 myŋnan asa dauys jinaǧan petisiiany ükımet qarauǧa tiıs.
Būǧan deiın utilalymyna qarsy petisiia 50 myŋ qol jinady.
