پرەزيدەنتتىڭ «تازا قازاقستان» جالپىۇلتتىق باستاماسى اياسىندا «AMANAT» پارتياسى ءار اپتا سايىن ۇيىمداستىرىلاتىن «تازا بەيسەنبى» ەكولوگيالىق اكتسياسىن باستادى. بۇگىن پارتيانىڭ 12 مىڭ مۇشەسى مەن «جاستار رۋحى» جاستار قاناتىنىڭ بەلسەندىلەرى رەسپۋبليكا بويىنشا اۋماقتاردى تازالاۋعا شىقتى.
«AMANAT» پارتياسىنىڭ مۇشەلەرى وزەن جاعالاۋلارى، ورمان القاپتارى، وندىرىستىك ايماقتار جانە جول بويىنداعى اۋماقتاردى قامتيتىن 475 ۋچاسكەنى ايقىندادى. ءبىر كۇندە اكتسياعا 12 مىڭ ادام قاتىستى. اتاپ ايتقاندا، استانادا پارتيا مۇشەلەرى زاڭسىز قوقىس الاڭىنا اينالعان قاراۋسىز ۋچاسكەنى رەتكە كەلتىردى.
«AMANAT» پارتياسىنىڭ اتقارۋشى حاتشىسى داۋلەت كارىبەك «تازا بەيسەنبى» پارتيالىق جوباسى جاڭا ەكولوگيالىق مادەنيەت پەن ازاماتتاردىڭ قورشاعان ورتاعا دەگەن سانالى كوزقاراسىن قالىپتاستىرۋدى كوزدەيتىنىن اتاپ ءوتتى.
«مەملەكەت باسشىسى قاسىم-جومارت توقاەۆ «تازا قازاقستان» جالپىۇلتتىق ناۋقانىن باستاي وتىرىپ، بۇل ءبىر رەتتىك اكتسيا ەمەس ەكەنىن ەرەكشە اتاپ ءوتتى، ءاربىر ءۇي، اۋلا، تۇرعىن ءۇي كەشەنى، ساياباق جانە باسقا دا نىساندار نازاردان تىس قالماۋعا ءتيىس. «AMANAT» پارتياسىنىڭ مۇشەلەرى اتالعان ناۋقانعا العاشقى كۇننەن-اق بەلسەندى قاتىسۋدا. «جاستار رۋحى» جاستار قاناتىنىڭ شامامەن 4 مىڭعا جۋىق ۆولونتەرى سۋ تاسقىنىنان زارداپ شەككەن جانداردىڭ باسپاناسىن رەتكە كەلتىرۋگە كومەكتەستى. ەندى ءار اپتا سايىن ەل اۋماعىندا ءتۇرلى ۋچاسكەلەردە قوقىس جيناۋ جۇمىسىن ۇيىمداستىرامىز. وسى ماقساتتا لاستانعان اۋماقتاردىڭ كارتاسى ازىرلەندى. ەل ازاماتتارى، وسكەلەڭ ۇرپاق تابيعي ءونىم تۇتىنىپ، تازا اۋامەن دەمالىپ، ساپالى سۋ ىشكەنىن قالاساق، ەكولوگيالىق سانا مەن مادەنيەتتى قازىردەن قالىپتاستىرۋىمىز كەرەك. ونى ەڭ الدىمەن وزىمىزدەن باستاعان ءجون. سوندىقتان، قورشاعان ورتاعا بەي-جاي قارامايتىن بارشا قازاقستاندىقتى «تازا بەيسەنبى» اكتسياسىنا قوسىلۋعا شاقىرامىز»، – دەدى ول.
الدىن الا ەلدى مەكەندەردەگى لاستانعان اۋماقتاردىڭ كارتاسى ازىرلەندى. سونىڭ نەگىزىندە ەل اۋماعىندا جول بويىنداعى اۋماقتاردان، ونەركاسىپتىك ايماقتاردان، تۇرعىن اۋدانداردان، الەۋمەتتىك نىسانداردان جانە باسقا دا كوپتەگەن اۋماقتاردان 475 ۋچاسكە انىقتالدى. پارتيالىقتار ءار بەيسەنبى سايىن وسىنداي تازالىق جۇمىسىن جۇرگىزۋدى جوسپارلاپ وتىر. ءىس-شارا تەك قوقىس جيناۋمەن شەكتەلمەيدى. ءار ۋچاسكەگە ءماسليحات دەپۋتاتتارى، بەلسەندىلەر جانە باستاۋىش پارتيا ۇيىمدارىنىڭ باسشىلارى بەكىتىلەدى. ولار سول ۋچاسكەدە تۇراقتى تۇردە ءتارتىپ پەن تازالىقتى قامتاماسىز ەتۋمەن قاتار، قوقىس جاشىكتەرىن ورناتۋ، اۋماقتاردى كوگالداندىرۋ، جولدار مەن جاياۋ جۇرگىنشىلەر جولىن جوندەۋ سياقتى اباتتاندىرۋ جانە ينفراقۇرىلىمدى دامىتۋ ماسەلەلەرىن شەشەدى.
«تازا مەملەكەت – بۇل تەك ۇنەمى تازالاناتىن ەمەس، قوقىس تاستالمايتىن ەل دەگەن ءسوز. ءبىز تازالاماساق، كىم تازالايدى؟ قازىر تازالاماساق قاشان تازالايمىز؟ بۇل مەنىڭ ەلىم، بۇل مەنىڭ قالام. مەن بالالارىم مەن نەمەرەلەرىمنىڭ تازا قورشاعان ورتادا ءوسىپ، تازا اۋامەن دەم الىپ، تازا سۋ ىشكەنىن قالايمىن»، – دەدى ەلوردالىق باستاۋىش پارتيا ۇيىمىنىڭ بەلسەندىسى دينارا ماراتقىزى.
جالپى «تازا قازاقستان» جالپىۇلتتىق اكتسياسى اياسىندا «AMANAT» پارتياسى 5 باعىت بويىنشا جۇمىس باستادى:
1. ەكولوگيا سالاسىنا قاتىستى زاڭ شىعارۋ;
2. وڭىرلەردە لاستانعان اۋماقتاردىڭ كارتاسىن جاساي وتىرىپ، «تازا بەيسەنبى» ەكولوگيالىق اكتسياسىن ۇيىمداستىرۋ;
3. «استانا-الماتى» تاس جول بويىنداعى اۋماقتى تازارتۋعا ارنالعان «تازا قازاقستان» road-ەستافەتاسى;
4. تاريحي، مادەني جانە تابيعي مۇرانى ۆانداليزم ارەكەتىنەن قورعاۋعا ارنالعان قوعامدىق ناۋقان;
5. جاسىل ۆولونتەرلىك – ەكولوگيالىق ۆولونتەرلەر قوزعالىسىن قۇرۋ.
ەسكە سالا كەتەيىك، سۋ تاسقىنىنىڭ قاۋىپتى كەزەڭى اياقتالعاننان كەيىن «AMANAT» پارتياسىنىڭ 4 مىڭعا جۋىق بەلسەندىسى مەن «جاستار رۋحى» جاستار قاناتىنىڭ ۆولونتەرلەرى قارعىن سۋدان زارداپ شەككەن تۇرعىنداردىڭ باسپاناسىن رەتكە كەلتىرۋگە كومەكتەستى. ەلىمىزدىڭ بارلىق وڭىرىندەگى بارشا پارتيالىقتار ساياباقتاردى، سكۆەرلەردى، اۋلالاردى تازارتىپ، تاريحي-مادەني جانە تابيعي ەسكەرتكىشتەردى تازالاۋدا. سونداي-اق سەنبىلىككە شىعىپ، اعاش ەگەدى جانە وزگە دە ءىس-شارالاردى ۇيىمداستىرادى. ماسەلەن، 27 ساۋىردە، ياعني نەبارى ءبىر كۇندە ەل اۋماعىندا پارتيالىقتار 55 مىڭ ءتۇپ اعاش ەكتى.
سونداي-اق، ەكولوگيالىق ماسەلەلەردى شەشۋ – «AMANAT» پارتياسىنىڭ سايلاۋالدى باعدارلاماسىندا قامتىلعان ماڭىزدى باسىمدىقتىڭ ءبىرى. سايلاۋالدى ۋادەلەردى جۇيەلى جۇزەگە اسىرۋ جۇمىسى اياسىندا بىلتىر مەملەكەتتىك ورمان قورى اۋماعىنا 302,7 ملن ءتۇپ اعاش ەگىلدى. سونىمەن قاتار، 39 ءىرى ونەركاسىپتىك كاسىپورىندا اۋانى لاستاۋىن باقىلايتىن اۆتوماتتاندىرىلعان جۇيە ورناتىلدى.
2027 جىلعا قاراي پارتيانىڭ سايلاۋالدى باعدارلاماسى اياسىندا تۇرمىستىق قاتتى قالدىقتاردى قايتا وڭدەۋ جانە كادەگە جاراتۋ ۇلەسىن 36%-عا دەيىن ۇلعايتۋ، جايىق وزەنىنىڭ ەكوجۇيەسىن قالپىنا كەلتىرۋ، بالقاش كولىنە تۇراقتى سۋ اعىنىن قامتاماسىز ەتۋ، اۋا ساپاسىنىڭ يندەكسىن ەنگىزۋ، لاستانعان ەلدى مەكەندە كاسىپورىننىڭ اۋانى لاستاۋ نورماتيۆتەرىن 40%-عا دەيىن تومەندەتۋ، سونداي-اق جۇمىس ىستەپ تۇرعان 16 سۋ قويماسىن قايتا جاڭارتۋ جانە جاڭادان 14 سۋ قويماسىن تۇرعىزۋ جوسپارلانۋدا.
