ءماجىلىس دەپۋتاتى ماگەررام ماگەرراموۆ قازاقستاندا كەيبىر قىلمىس تۇرلەرى ءۇشىن 12 جاستان باستاپ قىلمىستىق جاۋاپكەرشىلىكتى ەنگىزۋدى ۇسىندى، - دەپ حابارلايدى "ادىرنا" ۇلتتىق پورتالى.
ماجىلىسمەن پرەمەر-مينيستر ولجاس بەكتەنوۆكە جولداعان دەپۋتاتتىق ساۋالىندا ءدال سول كامەلەتكە تولماعان بالالاردىڭ كامەلەتكە تولماعانداردى زورلاۋى، ۇرىپ-سوعۋى جانە ءولتىرۋى تۋرالى حابار قازاقستاندىقتاردى الدەنەشە رەت ءدۇر سىلكىندىرگەنىن ايتتى.
“قازاقستاندىقتاردى كامەلەتكە تولماعان بالالار اراسىنداعى زورلاۋ، ۇرىپ-سوعۋى جانە ءولىم تۋرالى جاڭالىقتارى جاعا ۇستاتۋدا. پارتيامىز كەڭ تارالعان زورلىق-زومبىلىقتىڭ، اسكەر قاتارىنداعى ءولىمنىڭ، دەنى ساۋ جانە مىقتى جىگىتتەردى مۇگەدەكتىك پەن ولىمگە اكەلەتىن جازاتايىم وقيعالاردىڭ نەگىزگى مەكتەپتە تامىر جايعان بۇزاقىلىق، زورلىق-زومبىلىق، بانديتيزم مەن قىلمىستىق ءومىر سالتتىڭ كورىنىسى دەپ سانايدى. اسكەرگە مەكتەپتە دەسترۋكتيۆتى ورتادا تاربيەلەنگەن بالالار كەلەدى. ولار وزدەرىنىڭ قىلمىستىق ارەكەتتەرىن سوندا جالعاستىرۋدا”، – دەدى ماگەررام ماگەرراموۆ.
دەپۋتاتتىڭ ايتۋىنشا مەكتەپ بالانى قوعامعا ينتەگراتسيالاۋ پروتسەسىنىڭ العاشقى قادامى ەكەنىن ەسكەرۋى كەرەك.
“زورلىق - زومبىلىقتى تۇبىمەن جويۋ كەرەك. بىراق بۇگىنگى كۇنى اگرەسسورلار، جاسىنا بايلانىستى جازاسىز قالۋدا. بالكىم، ءبىز زاڭ شىعارۋشىلار، ۇلىبريتانيا سياقتى قىلمىستىق جاۋاپكەرشىلىككە تارتۋدى 14 جاستان ەمەس، 12 جاستان باستاپ قايتا قاراۋىمىز كەرەك شىعار. مۇنداي جاۋاپكەرشىلىكتى اسىرەسە زورلىق جاساۋ ىستەرىنە بەلگىلەۋ قاجەت.
ۋاكىلەتتى ورگان ءبىلىم بەرۋ پروتسەسىنە عانا ەمەس، سونىمەن قاتار بالالاردىڭ مورالدىق-ەتيكالىق مىنەز-قۇلقىنا، ەموتسيونالدى-پسيحولوگيالىق تۇراقتىلىعىنا ەرەكشە نازار اۋدارۋى كەرەك”، – دەدى ول.
وسى تۇستا ماگەررام ماگەرراموۆ مادەنيەت جانە اقپارات مينيسترلىگىنىڭ ناقتى جۇمىسىنىڭ جوقتىعىن سىنادى.
“ولار بالالار مەن جاسوسپىرىمدەردىڭ ءومىرى مەن دەنساۋلىعىن دايەكتى جانە سەنىمدى قورعاۋعا باعىتتالعان اتا-انا، وتباسى ينستيتۋتىنىڭ السىرەۋىنە جول بەرىپ وتىر.
بۇل ماسەلەدە حالىقارالىق تاجىريبەگە جۇگىنۋ كەرەك. مىسالى، جاپونيادا ءبىلىم مينيسترلىگى بۋللينگكە قارسى ارنايى كەڭەس قۇردى. ونىڭ قىزمەتى ەرەسەكتەردىڭ بالالار ءۇشىن قاۋىپسىز ورتا قۇرۋ جاۋاپكەرشىلىگىن ارتتىرۋعا باعىتتالعان. مۇندا مۇعالىمدەردەن بۋللينگتىڭ ءار جاعدايىنا بارىنشا مۇقيات قاراۋ، پسيحولوگتاردان بالالاردىڭ پسيحوەموتسيونالدى جاعدايىن كاسىبي قولداۋ، ال اتا-انالار مەن قامقورشىلاردان مۇنىڭ الدىن الۋ ءۇشىن مەملەكەتتىك جۇيەمەن بەلسەندى ىنتىماقتاستىق تالاپ ەتىلەدى. ءبىز كامەلەتكە تولماعانداردى قۇقىقتىق تاربيەلەۋدىڭ پروفيلاكتيكانىڭ ەرەكشە ءادىسىن قاراۋدى ۇسىنامىز. ول ءۇشىن ءبىلىم بەرۋ، ىشكى ىستەر جانە ادىلەت ورگاندارى مەكتەپتىڭ اقپاراتتىق بازاسىن قامتاماسىز ەتۋى كەرەك”، – دەپ قورىتتى ول.
