4 ماۋسىم كۇنى قازاقستان جازۋشىلار كىتاپحاناسىندا جازۋشى، اۋدارماشى، «دارابوز» ادەبي سىيلىعىنىڭ باس جۇلدەگەرى ابدىلدابەك سالىقبايدىڭ «ناركەسكەن» اتتى تاريحي كىتابىنىڭ تۇساۋكەسەرى ءوتتى.
رامىزدەر مەرەكەسىمەن تۇسپا-تۇس كەلگەن ءىس-شاراعا بەلگىلى اقىن، قازاقستان جازۋشىلار وداعى باسقارماسى توراعاسىنىڭ ورىنباسارى باۋىرجان جاقىپ، «جۇلدىز» جۋرنالىنىڭ جاۋاپتى حاتشىسى نۇرلان قامي،"اتامۇرا" كورپوراتسياسىنىڭ پرەزيدەنتى راقىمعالي قۇل- مۇحاممەد، قازاقستان جازۋشىلار وداعى پروزا كەڭەسىنىڭ توراعاسى قۋاندىق تۇمەنباي، قازاقستان جازۋشىلار وداعى بالالار ادەبيەتى كەنەسىنىڭ توراعاسى نۇرداۋلەت اقىش، حالىقارالىق «الاش» ادەبي سىيلىعىنىڭ يەگەرى، تارباعاتاي اۋدانىنىڭ قۇرمەتتى ازاماتى ابۋباكىر قايران، ايتىسكەر اقىن، مادەنيەت قايراتكەرى سەرىك قاليەۆ جانە "ادىرنا" ۇلتتىق ەتنوگرافيالىق بىرلەستىگىنىڭ جەتەكشىسى ارمان اۋباكىر قاتىستى.
سونىمەن قاتار، رەسپۋبليكالىق الماتىداگى Nº156 جالپى ءبىلىم بەرەتىن مەكتەپتىڭ قازاق ءتىلى مەن ادەبيەتى ءپانىنىڭ مۇعالىمىايزات راقىشەۆا، استاناداعى ج.تاشەنوۆ اتىنداعى Nº10 مەكتەپ-گيمنازيانىڭ ديرەكتورى باقىتجان ورىنباەۆ، كىتاپحانا ءىسىنىڭ ۇزدىگى ەلەنا جامەلقىزى، يسابەكوۆ ەستيار دۋلاتۇلى جانە باق وكىلدەرى: «قازاق گازەتتەرى» جشس توراعاسىنىڭ ورىنباسارى دۋمان اناش، «انا ءتىلى»، «الماتى اقشامى» گازەت تىلشىلەرى مەن بەلگىلى قوعام قايراتكەرلەرى، قالامگەرلەر مەن اقىن شىعارماشىلىعىنىڭ شىنايى وقىرماندارى قاتىستى.
كەش تىزگىنىن ۇستاعان – جازۋشى، “بادىرعان” جۋرنالىنىڭ باس رەداكتورىنىڭ ورىنباسارى سەرىك نۇعىمان.
جيىندا العاش بولىپ ءسوز الگان باۋىرجان جاقىپ كەش يەسىنىڭ شىعارماشىلىعىنا توقتالىپ تىلەگىن ارنادى. نۇرلان قامي اۆتوردىڭ "ناركەسكەن" حيكاياتتار جيناعىنا بايانداما جاسادى.
ودان كەيىن ءسوز العان راقىمعالي قۇل-مۇحاممەد ابدىلدابەك سالىقبايعا "ناركەسكەن" كىتابىن شىعارۋدى ءوزى ۇسىنعاندىعىن اتاپ ءوتتى.
"ابدىلدابەكتىڭ زەرتتەۋلەرى جازىلعان شىنايى وقيعالاردى كەلتىرىپ، كورنەكتى جازا بىلگەنى جانە باستى كەيىپكەر قازاق جەرىنىڭ تورتتەن ءبىرىن ساقتاپ قالعان الاشتىڭ اسىل ەرى جۇمابەك تاشەنوۆتىڭ ەرەن ەرلىگىن سۋرەتتەن بايانداپ بەرگەنى مەن جۇمابەكتەي تۇلعانىڭ تولىق كەلبەتىن سوزبەن جازىپ اشا بىلگەنىن كەيىنگى ۇرپاق تانىپ ءبىلۋ كەرەك، دەپ كىتاپ شىعارۋعا قولقا سالعان ءوزىم ەدىم. الاشتىڭ جۇمابەكتەي قايسار باتىل ارىسىنىڭ بولمىسىن تانىپ، وقىپ بىلگەن وسى ۇرپاق ۇلگى ونەگە الىپ، ەل مەن جەر قادىرىن ۇعىناتىن ۇرپاق بولارى انىق”، دەپ جازۋشى شەبەرلىگىنە ءتانتى بولعاندىعىن ايتا كەتتى.
جيىن بارىسىندا وكىرماندار جانىبەك كەنجەبەك پەن ەڭلىك مۇحتار «ناركەسكەن» حيكاياتىنان ۇزىندىلەر وقىدى.
قازاقتىڭ 5 وبلىسىن رەسەيگە قوسىپ الۋدى كوزدەگەن ن.س.حرۋششەۆقا قارسى شىعىپ، "كسرو كونستيتۋتسياسىنا سايكەس، ءار ۇلت رەسپۋبليكاسى ءوزىنىڭ تاريحي جەرىندە، ءوز تابيعي بايلىعىن ءوز مەنشىگىندە پايدالانۋعا حاقى بار. بۇل زاڭمەن دە ساناسپايتىن بولساڭىز، ءبىز حالىقارالىق سوتقا شاعىم بەرۋدەن دە تايىنبايمىز", دەپ، “ماعان كەرەگى لاۋازىم ەمەس، قازاق حالقىنىڭ بىرلىگى مەن جەرىنىڭ تۇتاستىعى. ول ارمانىما جەتتىم. ەلىم، جەرىم ورنىندا" دەگەن تاۋ تۇلعالى ازامات جۇمابەك تاشەنوۆ وسىلايشا، قازاقستان جەرىنىڭ حالىق مەنشىگىندە قالۋىنا جول اشتى.
ەلىمىزدىڭ جەر كولەمى بويىنشا الاتىن 9 ورىنى، ەگەمەندىگىمىز بەن تاۋەلسىزدىگىمىزگە ارقاۋ بولعان ازاماتتار ەرلىگى مەن بەكەم ۇستانىمدارىن ءاربىر قازاق بالاسى ءبىلىپ وقۋى قاجەت.
نازيليا ابدۋراحيم
