2024 جىلدىڭ قاڭتار ايىنان باستاپ قازاقستاندا ەۋرو ستاندارتتار بويىنشا جول-كولىك وقيعالارىن (جكو) رەسىمدەۋ زاڭنامالىق تۇردە ەنگىزىلدى. ازاماتتارعا ىڭعايلى بولۋ ءۇشىن «ەۆروپروتوكول» موبيلدىك قوسىمشاسى ەنگىزىلدى، دەپ حابارلايدى استانا اكىمدىگىنىڭ رەسمي سايتى ەلوردا سوتىنا سىلتەمە جاساپ.
بارلىق ازامات اپات كەزىندە ەۋروپالىق حاتتامانى راسىمدەۋ مۇمكىندىگى تۋرالى بىلە بەرمەيدى. جەڭىل جكو كەزىندە ساقتاندىرۋ جاعدايىن پوليتسيا مەن سوت شەشىمىن شاقىرماي جەڭىلدەتىلگەن تارتىپپەن راسىمدەۋگە بولادى.
ارتىقشىلىقتارى:
1) ازاماتتار ءۇشىن جۇمىس كەستەسىنەن قول ۇزبەي ۋاقىتتى ۇنەمدەۋ;
2) كەلتىرىلگەن زالالدى وتەۋ ماسەلەسىن جىلدام شەشۋ;
3) ساقتاندىرۋ تولەمدەرىن الۋ مەرزىمدەرىن قىسقارتۋ;
4) اكىمشىلىك جاۋاپكەرشىلىككە تارتۋدىڭ بولماۋى.
ەۋروپالىق حاتتاما قولدانىلادى، ەگەر:
1) جكو-عا تەك ەكى كولىك قۇرالى قاتىسسا;
2) جكو قاتىسۋشىلارىنىڭ قولدانىستاعى ساقتاندىرۋى، ياعني كولىك قۇرالدارى يەلەرىنىڭ ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋى بار بولسا;
3) جكو ناتيجەسىندە جكو قاتىسۋشىلارىنىڭ كولىك قۇرالدارىنا عانا زيان كەلتىرىلسە (ومىرىنە جانە دەنساۋلىعىنا زيان كەلتىرىلگەن جابىرلەنۋشىلەر بولماسا، ءۇشىنشى تۇلعالاردىڭ مۇلكى زارداپ شەكپەسە);
4) جكو قاتىسۋشىلارىندا كىمنىڭ كىنالى تاراپ، كىمنىڭ زارداپ شەككەنى تۋرالى كەلىسپەۋشىلىكتەر جوق بولسا;
5) زالالدىڭ شەكتى سوماسى 100 اەك-كە دەيىن 2024 جىلعى 1 قاڭتاردان باستاپ 369 مىڭ تەڭگە.
اپاتتى App Store جانە Google Play دۇكەندەرىندە جۇكتەۋگە بولاتىن «ەۆروپروتوكول» ءموبيلدى قوسىمشاسى ارقىلى راسىمدەۋگە بولادى.
جكو قاتىسۋشىلارىنىڭ ءموبيلدى نومىرلەرى ءموبيلدى ازاماتتار بازاسىندا تىركەلۋى ءتيىس ەكەنىن اتاپ ءوتۋ ماڭىزدى.
اپاتقا قاتىسۋشىلاردىڭ ەكەۋىنە دە «ەۆروپروتوكول» قوسىمشاسىن جۇكتەپ، جكو بويىنشا مالىمەتتەردى تولتىرۋ قاجەت.
