2024 jyldyń qańtar aıynan bastap Qazaqstanda Eýro standarttar boıynsha jol-kólik oqıǵalaryn (JKO) resimdeý zańnamalyq túrde engizildi. Azamattarǵa yńǵaıly bolý úshin «Evroprotokol» mobıldik qosymshasy engizildi, dep habarlaıdy Astana ákimdiginiń resmı saıty elorda sotyna silteme jasap.
Barlyq azamat apat kezinde eýropalyq hattamany rásimdeý múmkindigi týraly bile bermeıdi. Jeńil JKO kezinde saqtandyrý jaǵdaıyn polıııa men sot sheshimin shaqyrmaı jeńildetilgen tártippen rásimdeýge bolady.
Artyqshylyqtary:
1) azamattar úshin jumys kestesinen qol úzbeı ýaqytty únemdeý;
2) keltirilgen zalaldy óteý máselesin jyldam sheshý;
3) saqtandyrý tólemderin alý merzimderin qysqartý;
4) ákimshilik jaýapkershilikke tartýdyń bolmaýy.
Eýropalyq hattama qoldanylady, eger:
1) JKO-ǵa tek eki kólik quraly qatyssa;
2) JKO qatysýshylarynyń qoldanystaǵy saqtandyrýy, ıaǵnı kólik quraldary ıeleriniń azamattyq-quqyqtyq jaýapkershiligin mindetti saqtandyrýy bar bolsa;
3) JKO nátıjesinde JKO qatysýshylarynyń kólik quraldaryna ǵana zııan keltirilse (ómirine jáne densaýlyǵyna zııan keltirilgen jábirlenýshiler bolmasa, úshinshi tulǵalardyń múlki zardap shekpese);
4) JKO qatysýshylarynda kimniń kináli tarap, kimniń zardap shekkeni týraly kelispeýshilikter joq bolsa;
5) zalaldyń shekti somasy 100 AEK-ke deıin 2024 jylǵy 1 qańtardan bastap 369 myń teńge.
Apatty App Store jáne Google Play dúkenderinde júkteýge bolatyn «Evroprotokol» mobıldi qosymshasy arqyly rásimdeýge bolady.
JKO qatysýshylarynyń mobıldi nómirleri mobıldi azamattar bazasynda tirkelýi tıis ekenin atap ótý mańyzdy.
Apatqa qatysýshylardyń ekeýine de «Evroprotokol» qosymshasyn júktep, JKO boıynsha málimetterdi toltyrý qajet.
