ۋتيلالىمنىڭ ماسەلەسىن قارايتىن كوميسسيا قۇرامىنا التى مينيستر ورىنباسارى كىردى، دەپ حابارلايدى “ادىرنا” ۇلتتىق پورتالى kolesa.kz-كە سىلتەپ.
ونەركاسىپ جانە قۇرىلىس مينيسترلىگى ۋتيلالىمنىڭ ماسەلەسىن قارايتىن كوميسسيا قۇرامىن بەكىتتى.
كوميسسيا قۇرامىنا دەپۋتاتتار، ونەركاسىپ جانە قۇرىلىس، ەكولوگيا جانە تابيعي رەسۋرستار، قارجى، اۋىلشارۋاشىلىق، تسيفرلىق دامۋ جانە اەروعارىش ونەركاسىبى ۆيتسە-مينيسترلەرى كىردى.
ۋتيلالىمعا قاتىستى ماسەلەنى مادەنيەت جانە اقپارات ۆيتسە-ءمينيسترى مەن سىرتقى ىستەر ءمينيسترىنىڭ ورىنباسارى، باسقا مۇددەلى ورگانداردىڭ
وكىلدەرى تالقىلايتىن بولادى.
ودان بولەك كوميسسيا قۇرامىنا پەتيتسيانىڭ اۆتورى مەن قوعامدىق ۇيىمداردىڭ، ساراپشىلار قوعامىنىڭ جانە ونەركاسىپ سەكتورىنىڭ وكىلدەرى قاتىسادى.
جۇمىس توبىنىڭ قىزمەتى تۋرالى بارلىق مالىمەتتى رەسمي سايت پەن تەلەگرام-كانالدان وقۋعا مۇمكىندىك بار.
ايتا كەتەيىك، ۋتيلالىم مەن باستاپقى تىركەۋ الىمىن الىپ تاستاۋ تۋرالى eOtinish سايتىندا جاريالانعان پەتيتسيا از عانا ۋاقىتتا 50 مىڭ قول جيناعان.
