رەسەيلىك جۋرناليست تۋۆالىق بالانى وڭالتۋدى ۇيىمداستىرعان، دەپ حابارلايدى "ادىرنا" ۇلتتىق پورتالىنىڭ ءتىلشىسى.
شەتەلدىك باق بەتتەرىندە تەلەجۇرگىزۋشىنىڭ جوعارعى سىنىپ وقۋشىلارىنىڭ ءزابىر كورگەن بالاعا كومەك كورسەتىپ جاتقانىن حابارلادى.
كسەنيا سوبچاك يگى ءىسى تۋرالى الدىن الا جازبا جاريالاماي، تەك بالانى اۋرۋحاناعا ورنالاستىرعان سوڭ ايتۋدى ءجون ساناعانىن اتاپ ءوتتى. 3 ماۋسىم كۇنى باق وكىلى بالانىڭ قاۋىپسىزدىكتە ەكەنىن مالىمدەدى.
«تۋۆادا جوعارى سىنىپ وقۋشىلارى زورلاعان بالانىڭ بۇكىل وتباسىن ماسكەۋگە اپاردىم. بالا ەلورداداعى ەڭ جاقسى اۋرۋحاناعا وڭالتۋعا جىبەرىلدى. مەن مۇنى جانۇيا ءوزىن جايلى سەزىنۋ ءۇشىن تىنىش وتكىزدىم. ولار قازىر قاۋىپسىزدىكتە. زورلاۋشىلاردىڭ تۋىستارىنان، قىسىمنان الشاق»، - دەپ جازدى تەلەجۇرگىزۋشى.
جابىرلەنگەن بالا ءوزىنىڭ زورلانعانى تۋرالى ەشكىمگە ءتىس جارماعان. ال ونى ەرمەك قىلعان جوعارعى سىنىپ وقۋشىلارى زاڭسىز ارەكەتتەرىن بىرنەشە رەت قايتالاعان كورىنەدى.
ايتا كەتەيىك، 22 ساۋىردە رەسەيدىڭ ءتىلشىسى ايەلىن ولتىرگەن ەكس-ءمينيستردىڭ سوتىنا كەلگەن بولاتىن. قر مادەنيەت جانە اقپارات ءمينيسترى ايدا بالاەۆا سىرتتان كەلگەن كسەنيا سوبچاكتىڭ سوتقا قاتىسۋىن "كەلىسىمسىز" دەپ اتادى.
