حالىق شىعارماشىلىعى مەن ۇلتتىق ونەرىمىزگە ارنالعان 32-ءشى رەسپۋبليكالىق ءداستۇرلى «ۇلىتاۋ ءۇنى» فەستيۆالى ءوز مارەسىنە جەتتى.
بيىلعى فەستيۆالدىڭ ەرەكشەلىگى - جوشى ۇلىسىنىڭ 800 جىلدىعىنا ارنالعان رەسپۋبليكالىق مۋلتي اسپاپشىلار كونكۋرسىنىڭ قازاقستان بويىنشا العاش رەت ءوتۋى. بايقاۋعا رەسپۋبليكامىزدىڭ 10 وبلىسىنان كونكۋرسانتتار قاتىستى.
سونداي-اق، فەستيۆال اياسىندا اقىن، مەملەكەت جانە قوعام قايراتكەرى، سازگەر ساكەن سەيفۋلليننىڭ 130 جىلدىعىنا ارنالعان «سارىارقا ساڭلاقتارى» اتتى رەسپۋبليكالىق ءداستۇرلى انشىلەر بايقاۋى ءوتتى. ونەر دوداسىنا بارلىق وبلىستان 23 ونەرپاز قاتىستى. جاقسىگەلدى كەمالوۆ باستاعان رەسپۋبليكاعا تانىمال ءداستۇرلى ءان مايتالماندارى ايگۇل قوسانوۆا، ەدىل قۇسايىنوۆ، كلارا تولەنباەۆالار بايقاۋعا تورەلىك ەتتى.
2 ماۋسىم كۇنى ءانشى، اقىن، سازگەر، قازاقستاننىڭ ەڭبەك سىڭىرگەن ءارتيسى، بەرەكە كوشەنوۆتىڭ «الدىڭدا ءجۇرمىن ءان سالىپ…» اتتى جانە بۇگىن اقىن، قازاقستاننىڭ قۇرمەتتى ءجۋرناليسى ماعزۇمبەك ماشايىقۇلىنىڭ «ءومىرى ولەڭمەن ورىلگەن» اتتى شىعارماشىلىق كەشى ءوز دارەجەسىندە ءوتتى.
فەستيۆال اياسىندا 90-شى جىلدارداعى كوماندالىق ايتىس ونەرى قايتا جاندانىپ، قوستاناي مەن ۇلىتاۋ وبلىستارى ونەردە باق سىناستى.
كوماندالىق ايتىسقا ءجۇرسىن ەرمانوۆ، امانجول التاەۆ، داۋلەتكەرەي كاپۇلى، ەلەنا ابدىحالىقوۆا، جانعالي ءجۇزباي، ايگۇل ەلشىباەۆالار كەلىپ توراعالىق ەتتى.
