Halyq şyǧarmaşylyǧy men ūlttyq önerımızge arnalǧan 32-şı respublikalyq dästürlı «Ūlytau ünı» festivalı öz märesıne jettı.
Biylǧy festivaldıŋ erekşelıgı - Joşy ūlysynyŋ 800 jyldyǧyna arnalǧan respublikalyq multi aspapşylar konkursynyŋ Qazaqstan boiynşa alǧaş ret ötuı. Baiqauǧa respublikamyzdyŋ 10 oblysynan konkursanttar qatysty.
Sondai-aq, festival aiasynda aqyn, memleket jäne qoǧam qairatkerı, sazger Säken Seifullinnıŋ 130 jyldyǧyna arnalǧan «Saryarqa saŋlaqtary» atty respublikalyq dästürlı änşıler baiqauy öttı. Öner dodasyna barlyq oblystan 23 önerpaz qatysty. Jaqsygeldı Kemalov bastaǧan respublikaǧa tanymal dästürlı än maitalmandary Aigül Qosanova, Edıl Qūsaiynov, Klara Tölenbaevalar baiqauǧa törelık ettı.
2 mausym künı änşı, aqyn, sazger, Qazaqstannyŋ eŋbek sıŋırgen artisı, Bereke Köşenovtıŋ «Aldyŋda jürmın än salyp…» atty jäne bügın aqyn, Qazaqstannyŋ qūrmettı jurnalisı Maǧzūmbek Maşaiyqūlynyŋ «Ömırı öleŋmen örılgen» atty şyǧarmaşylyq keşı öz därejesınde öttı.
Festival aiasynda 90-şy jyldardaǧy komandalyq aitys önerı qaita jandanyp, Qostanai men Ūlytau oblystary önerde baq synasty.
Komandalyq aitysqa Jürsın Ermanov, Amanjol Ältaev, Däuletkerei Käpūly, Elena Äbdıhalyqova, Janǧali Jüzbai, Aigül Elşıbaevalar kelıp töraǧalyq ettı.
