سەمەيدە ەل استاناسى نۇر-سۇلتان قالاسىنىڭ تۋعان كۇنىنە جانە ۇلتتىق دومبىرا كۇنى اياسىندا سونداي-اق، جاستار جىلىنا وراي «OPEN AIR-2019» جاستار فەستيۆالى ءوتتى.
شارا بىرنەشە باعىتتى قامتىدى. قاتىسۋشىلار ەرتىستىڭ وڭ جاعالاۋىنان 750 مەتر قاشىقتىقتا 200 كگ شاشىلعان ءتۇرلى-ءتۇستى بوياۋلار شەرۋىندە جۇگىرىپ ءوتتى. سونىمەن قاتار، دومبىرا Party, اسىق Party, Urban Dance, Water party, Street Workoutت الاڭدارى ۇيىمداستىرىلىپ، مەرەكەلىك كونتسەرت جۇرگىزىلدى.
- بۇگىن قالامىزدا «شقو سەمەي قالاسىنىڭ ىشكى ساياسات ءبولىمى» مەملەكەتتىك مەكەمەسىنىڭ مەملەكەتىك تاپسىرىسىمەن جانە «شىعىس جاستارى» قوعامدىق قورىنىڭ ۇيىمداستىرۋىمەن جاستار فەستيۆالى وتۋدە. فەستيۆال اياسىندا ياركوكروسس، دومبىرا Party, اسىق Party Urban Dance, Water party الاڭادارىمەن قاتار، تانىمال جۇلدىزداردىڭ قاتىسۋىمەن مەرەكەلىك كونتسەرتتىك باعدارلاما قويىلىپ جاتىر. سونىمەن قاتار، قاتىسۋشىلارعا 1000-استام تەگىن بالمۇزداق پەن 1500-جۋىق سۋسىن تاراتىلدى، - دەدى «شىعىس جاستارى» قوعامدىق قورىنىڭ اتقارۋشى ديرەكتورى ايدوس تولەۋحانوۆ.
شارا بارىسىندا فەستيۆالگە قاتىسۋشىلارعا ارنايى نومەرلەر بەرىلىپ، سول نومەرلەر ارقىلى ۇتىس ويىندارى ويناتىلدى.
- ءبىز ۇلتتىق دومبىرا كۇنىن ەكىنشى مارتە تويلاپ جاتىرمىز. فەستيۆال اياسىندا دومبىرا party ۇيىمداستىرىلىپ، مۇقان تولەباەۆ اتىنداعى مۋزىكالىق ۋچيليششەسىنىڭ ستۋدەنتتەرى ءوز ونەرلەرىن كورسەتۋدە. حالقىمىزدىڭ ءۇنى – دومبىرا كۇنى قۇتتى بولسىن، - دەدى دومبىراشى ايجان ساليەۆا.
ايتا كەتەيىك، فەستيۆالعا جالپى جيىنى 2000- جۋىق قالا تۇرعىنى قاتىستى.
"ادىرنا" ۇلتتىق پورتالى
