بيىل شىعىس قازاقستانداعى جازعى ساۋىقتىرۋ لاگەرلەرىندە 174000-دەن استام وقۋشى دەمالادى. بۇل وبلىستاعى بالالاردىڭ 99,7 پايىزىن قۇرايدى. ونىڭ ىشىندە 33 582 (100%) كوپبالالى جانە از قامتىلعان وتباسىلاردا تاربيەلەنىپ جاتقان بالالار ەكەنىن اتاپ وتكەن ورىندى.
بۇگىندە وبلىستاعى 990 ساۋىقتىرۋ جانە مەكتەپ الدى لاگەرلەرى بالالارعا قىزمەت كورسەتۋدە. وسى ورايدا بيىل شىعىسقازاقستاندىق بالالار ارىستان كەلگەن بالالارمەن قاتار دەمالۋدا.
10 شىلدەدەن باستاپ وڭىرىمىزدە ارىستان كەلگەن 220 بالا تىنىعۋدا. ال 28 شىلدە مەن 25 تامىز ارالىعىندا تاعى دا 80 بالا كەلىپ، شىعىس قازاقستاننىڭ اسەم تابيعاتىمەن جانە كيەلى ورىندارىمەن تانىسپاق. ولاردى مۇندا قىزىقتى باعدارلاما كۇتىپ تۇر. اتاپ ايتساق، قىزىقتى ەكسكۋرسيا، كونتسەرتتىك جانە تسيركتىك باعدارلامالار.
قازىرگى تاڭدا بالالار كاتونقاراعاي اۋدانى، پريمورسك اۋىلىندا ورنالاسقان «ارايلى شىعىس»، سەمەيدەگى «قاراعايلى»، تاۋلى ۇلبىدەگى «دارىن»، گلۋبوكوە اۋدانىنداعى مالوۋبينكا اۋىلىندا ورنالاسقان "تولاعاي»، ءۇرجار اۋدانى، قابانباي اۋىلىنداعى «ۋرجارايىم»، ۇلان اۋدانى، تومەنگى تايىنتى اۋىلىنداعى "بولاشاق» لاگەرلەرىندە دەمالۋدا.
ءاربىر لاگەردە بالالاردىڭ قاتىسۋىمەن ءتۇرلى سپورتتىق جارىستار مەن بايقاۋلار، ساxنالىق قويىلىمدا ۇيىمداستىرىلۋدا. ماسەلەن، ابايدىڭ 175 جىلدىعىنا وراي
ولەڭدى مانەرلەپ وقۋ سايىسى ءوتتى. وعان ارىس قالاسىنان كەلگەن بالالار بەلسەنە قاتىستى. بۇدان بولەك بالالار مۋزەيلەردى ارالايدى. كينوتەاترعا بارىپ، وسكەمەن مەن سەمەيدىڭ، سونداي-اق اۋدان ورتالىقتارىنداعى مادەني دەمالىس ورىندارىنا بارىپ، تىنىعادى. اسىرەسە، ولار «جيدەباي ءبورىلى» مەموريالدىق مۋزەي قورىعىنداعى اباي مەن شاكارىم، سونداي-اق اشىق اسپان استىندا ورنالاسقان «بەرەل قورعاندارى» سىندى كيەلى ورىندارعا بارىپ، ەرەكشە اسەر الىپ قايتتى. - لاگەرگە كەلگەن 10 كۇننىڭ ىشىندە ءبىز ەكى كۇنىمىزدى ساياxاتتاۋعا ارنادىق. ودان ەستەن كەتپەس اسەر الدىق. تاڭعى ساعات بەستە جيدەبايعا اتتاندىق. ونداعى اباي مۋزەيىنەن ەرەكشە تاڭدانىسپەن ورالدىق. بۇدان سوڭ ەڭلىك-كەبەك ەسكەرتكىشىنە باردىق. ءسويتىپ، قوس عاشىقتىڭ ەسكەرتكىشىنەن مول عيبرات الدىق. كەيىن كۇشىكباي باتىردىڭ جەرلەنگەن ورنىنا بارىپ، ۇلكەن اسەر الدىق، - دەيدى سەمەيدەگى "قاراعايلى" لاگەرىندە دەمالىپ جاتقان ارىس قالاسىنان كەلگەن احمەت جايسان.
ارىس قالاسىنان كەلىپ، «دارىن» لاگەرىندە دەمالىپ جاتقان بالالارمەن وبلىس اكىمىنىڭ ورىنباسارى اسەم ءنۇسىپوۆا كەزدەسىپ، جىلى لەبىزىن ءبىلدىردى. بۇدان سوڭ وبلىس اكىمىنىڭ ورىنباسارى بالالارعا ەستەلىك سىيلىقتاردى تابىس ەتتى.
- ءبىزدىڭ وڭىردە ارىس قالاسىنان كەلگەن بالالاردى كورگەنىمە قۋانىشتىمىن. بالالار ەلىمىزدەگى ەڭ كورىكتى جەرلەردىڭ ءبىرى - شىعىس قازاقستانداعى كاتونقاراعاي، تاۋلى ءۇلبى، تايىنتى، قاراعايلى سىندى ورىنداردا دەمالۋدا. بۇل جەرلەردە بالالار دەمالىپ قانا قويماي، ءارتۇرلى باعىتتاعى شارالارعا قاتىسۋدا. قىزىقتى تاريحي جەرلەرگە بارىپ، ءبىلىم كوكجيەكتەرىن كەڭەيتۋدە. بۇگىن قوناقجاي xالقىمىزدىڭ داستۇرىنە بايلانىستى ارىس قالاسىنان كەلگەن 300 بالاعا شىعىس قازاقستان وبلىسىنىڭ اكىمى دانيال اxمەتوۆتىڭ اتىنان سپورتتىق كيىم جيىنتىعىن، سپورتتىق اياق كيىم تارتۋ ەتىلەدى، - دەدى اسەم بەكقىزى.
ايتا كەتەيىك، ارىستان كەلگەن بالالارعا شىعىس قازاقستاندىق دارىگەرلەر ءتيىستى مەديتسينالىق كومەك تۇرلەرىن كورسەتتى. ولار ءاربىر بالانىڭ دەنساۋلىعىن تەكسەردى. كەيىن بالالارعا كەشەندى ەمدەۋ شارالارىن جۇرگىزدى. سونداي-اق بالالارمەن جوعارى بىلىكتى پسيxولوگتار مەن تالىمگەرلەر جۇمىس ىستەۋدە.
"ادىرنا" ۇلتتىق پورتالى
