Biyl Şyǧys Qazaqstandaǧy jazǧy sauyqtyru lagerlerınde 174000-den astam oquşy demalady. Būl oblystaǧy balalardyŋ 99,7 paiyzyn qūraidy. Onyŋ ışınde 33 582 (100%) köpbalaly jäne az qamtylǧan otbasylarda tärbielenıp jatqan balalar ekenın atap ötken oryndy.
Bügınde oblystaǧy 990 sauyqtyru jäne mektep aldy lagerlerı balalarǧa qyzmet körsetude. Osy oraida biyl şyǧysqazaqstandyq balalar Arystan kelgen balalarmen qatar demaluda.
10 şıldeden bastap öŋırımızde Arystan kelgen 220 bala tynyǧuda. Al 28 şılde men 25 tamyz aralyǧynda taǧy da 80 bala kelıp, Şyǧys Qazaqstannyŋ äsem tabiǧatymen jäne kielı oryndarymen tanyspaq. Olardy mūnda qyzyqty baǧdarlama kütıp tūr. Atap aitsaq, qyzyqty ekskursiia, konserttık jäne sirktık baǧdarlamalar.
Qazırgı taŋda balalar Katonqaraǧai audany, Primorsk auylynda ornalasqan «Araily Şyǧys», Semeidegı «Qaraǧaily», Tauly Ülbıdegı «Daryn», Glubokoe audanyndaǧy Maloubinka auylynda ornalasqan "Tolaǧai», Ürjar audany, Qabanbai auylyndaǧy «Urjaraiym», Ūlan audany, tömengı Taiynty auylyndaǧy "Bolaşaq» lagerlerınde demaluda.
Ärbır lagerde balalardyŋ qatysuymen türlı sporttyq jarystar men baiqaular, saxnalyq qoiylymda ūiymdastyryluda. Mäselen, Abaidyŋ 175 jyldyǧyna orai
öleŋdı mänerlep oqu saiysy öttı. Oǧan Arys qalasynan kelgen balalar belsene qatysty. Būdan bölek balalar muzeilerdı aralaidy. Kinoteatrǧa baryp, Öskemen men Semeidıŋ, sondai-aq audan ortalyqtaryndaǧy mädeni demalys oryndaryna baryp, tynyǧady. Äsırese, olar «Jidebai Börılı» memorialdyq muzei qoryǧyndaǧy Abai men Şäkärım, sondai-aq aşyq aspan astynda ornalasqan «Berel qorǧandary» syndy kielı oryndarǧa baryp, erekşe äser alyp qaitty. - Lagerge kelgen 10 künnıŋ ışınde bız ekı künımızdı saiaxattauǧa arnadyq. Odan esten ketpes äser aldyq. Taŋǧy saǧat beste Jidebaiǧa attandyq. Ondaǧy Abai muzeiınen erekşe taŋdanyspen oraldyq. Būdan soŋ Eŋlık-Kebek eskertkışıne bardyq. Söitıp, qos ǧaşyqtyŋ eskertkışınen mol ǧibrat aldyq. Keiın Küşıkbai batyrdyŋ jerlengen ornyna baryp, ülken äser aldyq, - deidı Semeidegı "Qaraǧaily" lagerınde demalyp jatqan Arys qalasynan kelgen Ahmet Jaisan.
Arys qalasynan kelıp, «Daryn» lagerınde demalyp jatqan balalarmen oblys äkımınıŋ orynbasary Äsem Nüsıpova kezdesıp, jyly lebızın bıldırdı. Būdan soŋ oblys äkımınıŋ orynbasary balalarǧa estelıK syilyqtardy tabys ettı.
- Bızdıŋ öŋırde Arys qalasynan kelgen balalardy körgenıme quanyştymyn. Balalar elımızdegı eŋ körıktı jerlerdıŋ bırı - Şyǧys Qazaqstandaǧy Katonqaraǧai, Tauly Ülbı, Taiynty, Qaraǧaily syndy oryndarda demaluda. Būl jerlerde balalar demalyp qana qoimai, ärtürlı baǧyttaǧy şaralarǧa qatysuda. Qyzyqty tarihi jerlerge baryp, bılım kökjiekterın keŋeitude. Bügın qonaqjai xalqymyzdyŋ dästürıne bailanysty Arys qalasynan kelgen 300 balaǧa Şyǧys Qazaqstan oblysynyŋ äkımı Danial Axmetovtıŋ atynan sporttyq kiım jiyntyǧyn, sporttyq aiaq kiım tartu etıledı, - dedı Äsem Bekqyzy.
Aita keteiık, Arystan kelgen balalarǧa şyǧys qazaqstandyq därıgerler tiıstı medisinalyq kömek türlerın körsettı. Olar ärbır balanyŋ densaulyǧyn tekserdı. Keiın balalarǧa keşendı emdeu şaralaryn jürgızdı. Sondai-aq balalarmen joǧary bılıktı psixologtar men tälımgerler jūmys ısteude.
"Adyrna" ūlttyq portaly
