تسيفرلىق دامۋ، يننوۆاتسيالار جانە اەروعارىش ونەركاسىبى ەكس-ءمينيسترى باعدات مۋسين وتباسىمەن اقش-تا ءجۇر. بۇل تۋرالى ول Instagram-داعى پاراقشاسىندا جازدى، دەپ حابارلايدى «ادىرنا» ءتىلشىسى.
«اقش-تا جۇرگەنىمە بىرنەشە كۇن بولدى، ارينە، مەن كاسىبي ماسەلەلەردى وتباسىلىق ماسەلەلەرمەن بىرىكتىرۋگە تىرىسامىن. وسى جولى بىرنەشە وتباسىمنىڭ مۇشەلەرىمەن كەلدىم. مەنىمەن بىرگە سۇيىكتى دينام جانە كەنجە قىزىم بىرعانىم بار»،—دەدى ول.
ەكس-مينيستر Bay Area-دا وتەتىن ءىس-شارالارعا قاتىساتىنىن، سونداي-اق Digital Nomads-پەن كەزدەسىپ، ءارتۇرلى الەۋمەتتىك باستامالاردى تالقىلايتىنىن اتاپ ءوتتى.
«ەلىمىزدىڭ سپورتتىق باعدارلامالاۋ فەدەراتسياسىنىڭ باسشىسى بولعاندىقتان، وسى جىلدىڭ قىركۇيەگىندە استانادا زياتكەرلىك سپورتىمىزدان (سپورتتىق باعدارلامالاۋ) الەم چەمپيوناتىنىڭ فينالىن وتكىزۋگە قاتىستى بىرنەشە ۇيىمداستىرۋشىلىق ماسەلەنى شەشۋگە بارامىن. ول ءۇشىن مەن ICPC باسشىسى بيلل پوۋچەرمەن جانە ونىڭ كومانداسىمەن جۇزدەسەمىن. سونداي-اق ءتۇرلى قورلارمەن، كومپانيالارمەن كەزدەسۋلەر وتەدى. جالپى بۇل ساپارعا جوسپار كوپ. بارلىعىن ورىنداۋعا مۇمكىندىگىنشە تىرىسامىن», - دەدى باعدات مۋسين.
