رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا تۇركيا پرەزيدەنتى رەجەپ تايىپ ەردوعاننىڭ سيريانىڭ سولتۇستىگىندە جاڭا اسكەري وپەراتسيانىڭ باستالۋى تۋرالى مالىمدەمەسىنە پىكىر ءبىلدىردى. بۇل تۋرالى رەسەي سىرتقى ىستەر مينيسترلىگىنىڭ سايتى جازدى، دەپ حابارلايدى “ادىرنا” ۇلتتىق پورتالى.
"مۇنداي كۇشتىك وپەراتسيا تۋرالى حابارلامالار دابىلمەن قابىلداندى. سيريا اراب رەسپۋبليكاسىنىڭ زاڭدى ۇكىمەتىنىڭ كەلىسىمىنسىز جاسالعان مۇنداي قادام، ەلدىڭ ەگەمەندىگى مەن اۋماقتىق تۇتاستىعىن تىكەلەي بۇزۋ جانە وسى ەلدەگى شيەلەنىستىڭ قوسىمشا ۋشىعۋىنا سەبەپ بولادى. انكارا سيرياداعى جاعدايدىڭ ۋشىعۋىن بولدىرمايدى دەپ ۇمىتتەنەمىز", - دەدى زاحاروۆا رەسەي سىرتقى ىستەر مينيسترلىگىنىڭ سايتىندا.
سونداي-اق، تۇركيانىڭ ۇلتتىق قاۋىپسىزدىگىنە تونەتىن قاۋىپىنە بايلانىستى الاڭداۋشىلىعىنا دا پىكىرىن بىلدىرە كەتتى.
"تۇركيانىڭ ۇلتتىق قاۋىپسىزدىككە تونەتىن قاۋىپ-قاتەرگە بايلانىستى الاڭداۋشىلىعىنا تۇسىنىستىكپەن قارايمىز. وسىعان بايلانىستى سيريا-تۇركيا شەكاراسىنداعى قاۋىپسىزدىكتى اسكەري قىزمەتشىلەر ورنالاستىرۋ ارقىلى قامتاماسىز ەتۋگە بولادى دەپ ويلايمىز. بۇل انكارانىڭ سيريانىڭ ەگەمەندىگى مەن اۋماقتىق تۇتاستىعىن قۇرمەتتەۋ تۋرالى بىرنەشە رەت رەسمي ايتىلعان مالىمدەمەلەرىنىڭ پراكتيكالىق كورىنىسى بولار ەدى", - دەلىنگەن رف ءسىم رەسمي وكىلىنىڭ حابارلاماسىندا.
