مەملەكەت باسشىسى قاسىم-جومارت توقاەۆ ءماجىلىس دەپۋتاتى، «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ توراعاسى، ۇلتتىق قۇرىلتاي مۇشەسى باقتىقوجا ىزمۇحامبەتوۆتى قابىلدادى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، باقتىقوجا ىزمۇحامبەتوۆ پرەزيدەنتكە «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ اتقارىپ جاتقان جۇمىستارى جونىندە مالىمەت بەرگەن. ونىڭ ايتۋىنشا، قازىر بۇل باعىتتا 2 جوبا بار.
«اتاپ ايتقاندا، «دانەكەر» باستاماسى قولعا الىنعان. ونىڭ ناتيجەسىندە سوڭعى 4 جىلدا 6896 داۋدىڭ 4563-ىندە تاراپتار ءىستى سوتقا جەتكىزبەي كەلىسىمگە كەلگەن. ال مۇقتاج ازاماتتارعا الەۋمەتتىك قولداۋ كورسەتۋگە باعىتتالعان «ىسكەرلىك جانە جاناشىرلىق» جوباسى قازىر اتىراۋ، سولتۇستىك قازاقستان جانە قىزىلوردا وبلىستارىندا ىسكە اسىپ جاتىر»، - دەپ حابارلادى اقوردا دەپۋتاتتىڭ ءسوزىن.
ىزمۇحامبەتوۆ سونداي-اق ارداگەرلەردىڭ «قوعامدىق باقىلاۋ تۋرالى» زاڭدى جۇزەگە اسىرۋعا بەلسەندى اتسالىسىپ جاتقانى جونىندە باياندادى.
