Memleket basshysy Qasym-Jomart Toqaev Májilis depýtaty, «Ardagerler uıymy» respýblıkalyq qoǵamdyq birlestiginiń tóraǵasy, Ulttyq quryltaı múshesi Baqtyqoja Izmuhambetovti qabyldady. Bul týraly Aqorda málimdedi, dep habarlaıdy “Adyrna” ulttyq portaly.
Aqparatqa sáıkes, Baqtyqoja Izmuhambetov prezıdentke «Ardagerler uıymy» respýblıkalyq qoǵamdyq birlestiginiń atqaryp jatqan jumystary jóninde málimet bergen. Onyń aıtýynsha, qazir bul baǵytta 2 joba bar.
«Atap aıtqanda, «Dáneker» bastamasy qolǵa alynǵan. Onyń nátıjesinde sońǵy 4 jylda 6896 daýdyń 4563-inde taraptar isti sotqa jetkizbeı kelisimge kelgen. Al muqtaj azamattarǵa áleýmettik qoldaý kórsetýge baǵyttalǵan «Iskerlik jáne janashyrlyq» jobasy qazir Atyraý, Soltústik Qazaqstan jáne Qyzylorda oblystarynda iske asyp jatyr», - dep habarlady Aqorda depýtattyń sózin.
Izmuhambetov sondaı-aq ardagerlerdiń «Qoǵamdyq baqylaý týraly» Zańdy júzege asyrýǵa belsendi atsalysyp jatqany jóninde baıandady.
