بۇگىن، 30 مامىر الماتى وبلىسىنىڭ تالعار اۋدانىناعى جاڭالىق اۋىلىندا ساياسي قۋعىن-سۇرگىن قۇرباندارى مۋزەيىندە ساياسي قۋعىن-سۇرگىن قۇرباندارىن ەسكە الۋعا ارنالعان V حالىقارالىق كونفەرەنتسيا وتۋدە، دەپ حابارلايدى “ادىرنا” ۇلتتىق پورتالى.
جىل سايىن وتكىزىلەتىن ءداستۇرلى جيىندى ۇيىمداستىرۋشى - رەپرەسسياعا ۇشىراعان قازاق زيالىلارىنىڭ مۇراسىن زەرتتەيتىن “ارىس” قورى.
قور باسشىسى عاريفوللا انەس جيىننىڭ ماڭىزىن ايتىپ، رەپرەسسيا قۇرباندارىن زەرتتەۋ ەل شەڭبەرىنەن اسىپ ورتالىق ازيا دەڭگەيىنە كوتەرىلگەنىن ايتتى.
جيىنعا كورشى قىرعىزستان مەن وزبەكستاننىڭ عالىمدارى، قازاقستاننىڭ بەلگىلى تۇلعالارى، الماتى وبلىسى مادەنيەت، ارحيۆتەر جانە قۇجاتتاما باسقارماسىنىڭ باسشىسى دانيار اليەۆ قاتىستى.
سونداي-اق، 31 مامىر ساياسي قۋعىن-سۇرگىن قۇرباندارىن ەسكە الىپ، قۇران وقىلىپ، اس بەرىلەدى.
