27 مامىردا الماتى قالاسىنىڭ تۋريزم باسقارماسى بولات وتەمۇراتوۆ قورىمەن بىرلەسىپ، Autism Friendly باستاماسى شەڭبەرىندە الماتى حالىقارالىق اۋەجايىنىڭ 300 قىزمەتكەرىنە اۋتيزم سپەكترى بۇزىلعان (اسب) جولاۋشىلارمەن ءوزارا ءىس-قيمىل داعدىلارىنا وقىتۋ جۇرگىزەدى. بۇل حالىقارالىق باستامانىڭ نەگىزگى ماقساتى-قالالىق كەڭىستىكتەر مەن مەكەمەلەردى اسب - بار ادامدار ءۇشىن قاۋىپسىز جانە قولجەتىمدى ەتۋ. ءتيىستى ۇشجاقتى مەموراندۋمعا قور، الماتى حالىقارالىق اۋەجايى جانە الماتى قالاسى تۋريزم باسقارماسى اراسىندا قول قويىلدى.
اۋەجايدىڭ جەرۇستى قىزمەتىنىڭ قىزمەتكەرلەرى ەرەكشە تاسىلگە مۇقتاج جولاۋشىلارمەن ءتيىمدى قارىم-قاتىناس جاساۋ داعدىلارىن دامىتۋعا باعىتتالعان دارىستەردى جانە تاجىريبەلىك ساباقتاردى قامتيتىن ءۇش كۇندىك وقىتۋدان وتەدى.
وقۋ كۋرسى اۋەجاي قىزمەتكەرلەرىنە ەرەكشە قاجەتتىلىكتەرى بار جولاۋشىلاردى انىقتاۋعا جانە عيماراتتىڭ كىرەبەرىسىنەن باستاپ، اۋە كەمەسىنىڭ بورتىنا وتىرعانعا دەيىن تىركەۋ جانە تەكسەرۋ ۇدەرىستەردەن وتۋدەن باستاپ ولاردىڭ اۋەجايدا جايلى بولۋى ءۇشىن جاعداي جاساۋعا مۇمكىندىك بەرەدى.
"Autism Friendly" جوباسىنىڭ نەگىزگى ماقساتى —اسب- كەلۋشىلەرىنە قىزمەت كورسەتۋگە جانە اۋەجاي قىزمەتكەرلەرىنىڭ ءوزارا ارەكەتىنە حاباردارلىقتى ارتتىرۋ جانە تاجىريبەلىك دايارلاۋ ەسەبىنەن ءاۋتيزمى بار ادامدار ءۇشىن قولايلى جانە جايلى ورتا قۇرۋ. اۋتيست ادامعا نەيروتيپتىك ادامدارعا قاراعاندا ادامدارمەن قارىم – قاتىناس جاساۋ قيىنىراق-قورشاعان الەم ول ءۇشىن تىم شۋلى، تىم جارقىن، تىم اقپاراتقا تولى بولۋى مۇمكىن. ول بەيتانىس جەردە شاتاسۋى مۇمكىن. سوندىقتان حالىقپەن جۇمىس ىستەيتىن ۇيىمداردىڭ قىزمەتكەرلەرى اسب- بار ادامدارمەن قالاي دۇرىس قارىم - قاتىناس جاساۋ كەرەكتىگىن ءتۇسىنۋى ماڭىزدى", - دەپ اتاپ ءوتتى، بولات وتەمۇراتوۆ قورىنىڭ ديرەكتورى مارات ايتماعامبەتوۆ.
تۋريزم باسقارماسى جانە بولات وتەمۇراتوۆ قورى وكىلدەرىنىڭ ايتۋىنشا، تاراپتار قالالىق جانە قوعامدىق كەڭىستىكتەردە (تەمىر جول ستانسالارى، حقكو، مەديتسينالىق مەكەمەلەر، ساۋدا ورتالىقتارى، كونتسەرت زالدارى جانە ت.ب.) قاجەتتى ينفراقۇرىلىمدى قۇرۋ ءۇشىن كونسۋلتاتسيالار مەن ساراپتامالىق سۇيەمەلدەۋ ۇسىنا وتىرىپ، "Autism Friendly" باستاماسىن اۋقىمداۋ نيەتىن بەكىتتى. وسى جىلدىڭ سوڭىنا دەيىن الماتى قالاسىنىڭ تۋريزم باسقارماسى قورمەن بىرلەسىپ وڭتۇستىك ەلوردا مۋزەيلەرى قىزمەتكەرلەرىن وقىتۋدى جوسپارلاپ وتىر.
ەستەرىڭىزگە سالا كەتەيىك، 2023 جىلى سەرۆيستى جاقسارتۋ شەڭبەرىندە 200-دەن استام قىزمەتكەر الماتى قالاسى تۋريزم باسقارماسى جانە Almaty Tourism Bureau ۇيىمداستىرعان فاسيليتاتسيالىق سەسسيالاردان ءوتتى، وندا قوناقجايلىلىق الگوريتمدەرى، كومانداداعى ءتيىمدى جۇمىس جانە كوممۋنيكاتسيا داعدىلارى تالقىلاندى.
باعدارلاما ەرەكشە ءتاسىلدى قاجەت ەتەتىن جولاۋشىلارمەن ءتيىمدى قارىم-قاتىناس جاساۋ ءۇشىن قىزمەتكەرلەردىڭ داعدىلارىن دامىتۋعا باعىتتالعان. باستامانىڭ نەگىزگى ماقساتى-قىزمەتكەردىڭ اسب بار كەلۋشىلەرگە ساپالى قىزمەت كورسەتۋگە تاجىريبەلىك دايىندىق ەسەبىنەن قولايلى ينفراقۇرىلىم قۇرۋ. بۇل ءاۋتيزمنىڭ ەرەكشەلىكتەرى تۋرالى حاباردارلىقتى ارتتىرۋعا جانە بارلىق جولاۋشىلار ءۇشىن جايلى اتموسفەرا قۇرۋعا ىقپال ەتەدى.
