Äuejaidyŋ jerüstı qyzmetınıŋ qyzmetkerlerı erekşe täsılge mūqtaj jolauşylarmen tiımdı qarym-qatynas jasau daǧdylaryn damytuǧa baǧyttalǧan därısterdı jäne täjıribelık sabaqtardy qamtityn üş kündık oqytudan ötedı.
Oqu kursy äuejai qyzmetkerlerıne erekşe qajettılıkterı bar jolauşylardy anyqtauǧa jäne ǧimarattyŋ kıreberısınen bastap, äue kemesınıŋ bortyna otyrǧanǧa deiın tırkeu jäne tekseru üderısterden ötuden bastap olardyŋ äuejaida jaily boluy üşın jaǧdai jasauǧa mümkındık beredı.
"Autism Friendly" jobasynyŋ negızgı maqsaty —ASB- keluşılerıne qyzmet körsetuge jäne äuejai qyzmetkerlerınıŋ özara äreketıne habardarlyqty arttyru jäne täjıribelık daiarlau esebınen autizmı bar adamdar üşın qolaily jäne jaily orta qūru. Autist adamǧa neirotiptık adamdarǧa qaraǧanda adamdarmen qarym – qatynas jasau qiynyraq-qorşaǧan älem ol üşın tym şuly, tym jarqyn, tym aqparatqa toly boluy mümkın. Ol beitanys jerde şatasuy mümkın. Sondyqtan Halyqpen jūmys ısteitın ūiymdardyŋ qyzmetkerlerı ASB- bar adamdarmen qalai dūrys qarym - qatynas jasau kerektıgın tüsınuı maŋyzdy", - dep atap öttı, Bolat Ötemūratov qorynyŋ direktory Marat Aitmaǧambetov.
Turizm basqarmasy jäne Bolat Ötemūratov qory ökılderınıŋ aituynşa, taraptar qalalyq jäne qoǧamdyq keŋıstıkterde (temır jol stansalary, HQKO, medisinalyq mekemeler, sauda ortalyqtary, konsert zaldary jäne t.b.) qajettı infraqūrylymdy qūru üşın konsultasiialar men saraptamalyq süiemeldeu ūsyna otyryp, "Autism Friendly" bastamasyn auqymdau nietın bekıttı. Osy jyldyŋ soŋyna deiın Almaty qalasynyŋ Turizm basqarmasy qormen bırlesıp Oŋtüstık elorda muzeilerı qyzmetkerlerın oqytudy josparlap otyr.
Esterıŋızge sala keteiık, 2023 jyly servistı jaqsartu şeŋberınde 200-den astam qyzmetker Almaty qalasy Turizm basqarmasy jäne Almaty Tourism Bureau ūiymdastyrǧan fasilitasiialyq sessiialardan öttı, onda qonaqjailylyq algoritmderı, komandadaǧy tiımdı jūmys jäne kommunikasiia daǧdylary talqylandy.
Baǧdarlama erekşe täsıldı qajet etetın jolauşylarmen tiımdı qarym-qatynas jasau üşın qyzmetkerlerdıŋ daǧdylaryn damytuǧa baǧyttalǧan. Bastamanyŋ negızgı maqsaty-qyzmetkerdıŋ ASB bar keluşılerge sapaly qyzmet körsetuge täjıribelık daiyndyq esebınen qolaily infraqūrylym qūru. Būl autizmnıŋ erekşelıkterı turaly habardarlyqty arttyruǧa jäne barlyq jolauşylar üşın jaily atmosfera qūruǧa yqpal etedı.
