باتىس قازاقستان وبلىسىندا لاڭكەستىك يدەيالاردى ناسيحاتتادى دەگەن كۇدىكتى ازامات ۇستالدى، دەپ حابارلايدى “ادىرنا” ۇلتتىق پورتالى ۇلتتىق قاۋىپسىزدىك كوميتەتىنىڭ (ۇقك) ءباسپاسوز قىزمەتىنە سىلتەپ.
«2024 جىلدىڭ 22 مامىرىندا ۇلتتىق قاۋىپسىزدىك كوميتەتى پروكۋراتۋرانىڭ كەلىسۋىمەن جانە پوليتسيانىڭ كومەگىمەن باتىس قازاقستان وبلىسىنىڭ تۇرعىنىن ۇستادى. ول تەرروريزمدى ناسيحاتتادى دەگەن كۇدىككە ىلىنگەن. تەرگەۋ بارىسىندا ايعاق زاتتار الىندى»، - دەلىنگەن بەيسەنبى كۇنى تاراتقان حابارلامادا.
قر قىلمىستىق كودەكسىنىڭ 256-بابىنىڭ 2-بولىگى (تەرروريزمدى ناسيحاتتاۋ نەمەسە تەرروريزم اكتىسىن جاساۋعا جاريا شاقىرۋ) بويىنشا سوتقا دەيىنگى تەرگەۋ امالدارى جۇرگىزىلۋدە.
«ۇستالعان ازامات بۇرىن قاراپايىم اۋىر قىلمىس جاساعانى ءۇشىن سوتتالعان»، - دەپ قوستى ۇلتتىق قاۋىپسىزدىك كوميتەتى.
