Astanada LRT jüiesınıŋ qūrylysyna bailanysty taǧy bırqatar jol jartylai jabylady. Būl turaly elorda äkımdıgınıŋ baspasöz qyzmetı jariialady, dep habarlaidy “Adyrna” ūlttyq portaly.
"LRT salu jönındegı jūmys josparyna säikes jäne Astana qalasy polisiia departamentınıŋ kelısımı boiynşa Syǧanaq köşesındegı jol qozǧalysy uaqytşa özgeredı", — dep jazdy Astana qalasy äkımdıgınıŋ baspasöz qyzmetı. Kölık qozǧalysy uaqytşa şekteletın köşeler: 22 mamyrdan 20 mausymǧa deiın Qabanbai batyr daŋǧylynan bastap Qazaq radiosy köşesıne deiıngı uchaskede Mäŋgılık El daŋǧylynyŋ baǧytynda oŋtüstık jaǧy boiynşa qozǧalysqa ışınara şekteu engızıletın bolady. Qabanbai batyr daŋǧylyna qarai kerı baǧyt aşyq qalady. 24 mamyrdan 20 mausymǧa deiın Türkıstan köşesınen Mäŋgılık El daŋǧylynyŋ kölık airyǧyna deiıngı uchaskede jolaqtardy taryltu esebınen qozǧalysty ışınara şekteu bolady. "Elorda qonaqtary men tūrǧyndarynan jürıp — tūru baǧytyn aldyn ala josparlaudy sūraimyz jäne keltırılgen qolaisyzdyqtar üşın keşırım sūraimyz", - dedı elorda äkımdıgı. City Transportation Systems kompaniiasy 21 nauryzdan bastap Astanada LRT salu üşın köşeler jabyla bastaǧanyn habarlaǧan edı. Qūrylys jūmystary magistraldardyŋ jürıs bölıgıne ırgeles uchaskelerde jürgızıledı. Būl şeşım Astana tūrǧyndaryna ūnamaǧany anyq. “Paidasy emes, ziiany tiıp jatyr”, “taǧy da keptelıs”, “qaşan özın aqtaidy osy” dep jazdy jelı qoldanuşylary.Ūqsas jaŋalyqtar
