Astanada LRT júıesiniń qurylysyna baılanysty taǵy birqatar jol jartylaı jabylady. Bul týraly elorda ákimdiginiń baspasóz qyzmeti jarııalady, dep habarlaıdy “Adyrna” ulttyq portaly.
"LRT salý jónindegi jumys josparyna sáıkes jáne Astana qalasy polıııa departamentiniń kelisimi boıynsha Syǵanaq kóshesindegi jol qozǵalysy ýaqytsha ózgeredi", — dep jazdy Astana qalasy ákimdiginiń baspasóz qyzmeti.
Kólik qozǵalysy ýaqytsha shekteletin kósheler:
22 mamyrdan 20 maýsymǵa deıin Qabanbaı batyr dańǵylynan bastap Qazaq radıosy kóshesine deıingi ýchaskede Máńgilik El dańǵylynyń baǵytynda ońtústik jaǵy boıynsha qozǵalysqa ishinara shekteý engiziletin bolady. Qabanbaı batyr dańǵylyna qaraı keri baǵyt ashyq qalady.
24 mamyrdan 20 maýsymǵa deıin Túrkistan kóshesinen Máńgilik El dańǵylynyń kólik aıryǵyna deıingi ýchaskede jolaqtardy taryltý esebinen qozǵalysty ishinara shekteý bolady.
"Elorda qonaqtary men turǵyndarynan júrip — turý baǵytyn aldyn ala josparlaýdy suraımyz jáne keltirilgen qolaısyzdyqtar úshin keshirim suraımyz", - dedi elorda ákimdigi.
City Transportation Systems kompanııasy 21 naýryzdan bastap Astanada LRT salý úshin kósheler jabyla bastaǵanyn habarlaǵan edi. Qurylys jumystary magıstraldardyń júris bóligine irgeles ýchaskelerde júrgiziledi.
Bul sheshim Astana turǵyndaryna unamaǵany anyq. “Paıdasy emes, zııany tıip jatyr”, “taǵy da keptelis”, “qashan ózin aqtaıdy osy” dep jazdy jeli qoldanýshylary.
