حالىقارالىق وتباسى كۇنى مەرەكەسىن بىرىككەن ۇلتتار ۇيىمى باس اسسامبلەياسى 1993 جىلى بەكىتتى. ورالدا سالتانات سارايىندا وتباسى كۇنى قارساڭىندا 13 جاس وتاۋ قۇردى. جاس شاڭىراق يەلەرىنءىڭ باقىتتى ساتتەرىنە كۋا بولعان وبلىس اكىمىنىڭ ورىنباسارى باقىتجان نارىمبەتوۆ نەكە تۋرالى كۋالىكتەرى مەن وبلىس اكىمىنىڭ اتىنان العىس حاتتار تابىستاسا، اقساقالدار اق باتاسىن بەردءى.
وبلىستا بىلتىر ءۇش مىڭنان استام نەكە تىركەلىپتى. ال بيىل جىل باسىنان بەرى 842 جۇپ شاڭىراق كوتەرگەن. ۇيلەنگەن جۇپتاردىڭ ورتاشا جاسى 20 مەن 30-دىڭ ارالىعىن قۇراپ وتىر.
مەرەكەنىڭ ماڭىزىنا توقتالعان ءوڭىر باسشىسىنىڭ ورىنباسارى باقىتجان قابەرۇلى جاستارعا اق تىلەگىن ءبىلدىردى.
– ۇلتتىڭ ىنتىماعى اۋلەتتىڭ, وتباسىنىڭ ىنتىماعىنان باستالاتىنى ءسوزسىز. تاۋەلسىزدىك جىلدارى التى ميلليوننان اسا قازاقستاندىق دۇنيە ەسىگىن اشتى. ال 2023 جىلعى 14 قاراشادا قازاقستان حالقىنىڭ سانى 20 ميلليونعا جەتكەنىبارشامىزعا ءمالىم. بۇل – مەملەكەت قۇرۋجولىنداعى ۇلكەن جەتىستىك. اتا-بابالارىمىز «وتان – وتباسىنان باستالادى» دەپ بەكەر ايتپاعان. سالت-داستۇرگە قۇرمەت تە، تۋعان جەرگە سۇيىسپەنشىلىك تە قاسيەتتى قاراشاڭىراقتان باستاۋ الاد. وتباسىلىق قۇندىلىقتاردى ناسيحاتتاۋ –مەملەكەتىمىزدىڭ باستى مىندەتتەرىنىڭ ءبىرى جانە باستى نازارىندا. مىقتى وتباسى – تۇراقتى مەملەكەت. سىزدەر سانالى، ساليقالى ۇرپاق تاربيەلەۋگە ۇلەس قوسادى دەپ سەنەمىز، – دەگەن باقىتجان حابەرۇلى جاس جانۇيالارعا ونەگەلى وتباسىلاردىڭ جولىن تىلەدى.
شارادا ايەلدەر ىستەرى جانە وتباسىلىق دەموگرافيالىق ساياسات جونىندەگى ۇلتتىق كوميسسيانىڭ مۇشەسى نازىم جانعازى جانۇياداعى بەرەكەنىڭ، ۇرپاق ءوربىتۋدىڭ مانىنە توقتالدى. –وتباسى دەگەنىمىز – كۇندەلىكتى ءبىر-ءبىرىن قۇشۋ، بايلىق ەمەس، وتباسى دەپ ءبىر-بىرىنە سەرىكتەس بولا ءبىلىپ، قول ۇستاسىپ، ەشقانداي قيىندىقتان قورىقپاي، قازاقستاننىڭ دەموگرافياسىن وسىرەتىن ەكى جۇپتى ايتادى. ەلىمىزدىڭ حالقىنىڭ سانى 20 ميلليوننان استى. سىزدەر دە ۇلەس قوسىپ، دەموگرافيامىزدىڭ ارتۋىنا ۇلەس قوسىڭىزدار، – دەدى ن.جانعازى.
ال ۇلتتىق كوميسسيا ءتورايىمىنىڭ ورىنباسارى ەلەنا تاراسەنكو جاس شاڭىراق يەلەرىن قۇتتىقتاپ، باقىتتى وتباسىنىڭ نەگىزىنە ءمان بەردى.
وتباسى قۇرار كەزدە ءار ادام ماڭىزدى تاڭداۋ جاسايدى. ەكەۋارا، بالا جانە ۇلكەندەر الدىنداعى جاۋاپكەرشىلىك باستى مىندەت. وتباسى باستى بايلىعىمىز. سوندىقتان قۇندىلىقتاردى سالت-سانامىزبەن ۇشتاستىرۋىمىز قاجەت. قازاقستاندا وتباسىن دامىتۋ مەن قولداۋعا مەملەكەت كوپ كوڭىل بولەدى. جىل سايىن قازاقستاندا 100 مىڭعا جۋىق جۇپ نەكە قۇرادى. شاڭىراق كوتەرگەن جاستاردىڭ ۇزاق ءومىر ءسۇرىپ، كوپبالالى، باقىتتى اتا-انا بولۋىن تىلەيمىن. مەملەكەت سىزدەردى قولداۋعا ءاردايىم دايىن. قازىر شاڭىراق كوتەرەتىندەر قاتارى ارتىپ كەلەدى. بۇل وتە قۋانتارلىق جايت. جاستاردىڭ وتباسىن قۇرۋعا سانالى تۇردە قاراي باستاعانىن بىلدىرەدى. – دەيدى ۇلتتىق كوميسسيا ءتورايىمىنىڭ ورىنباسارى.
نەكەسىن زاڭداستىرعانداردىڭ ءبىرى ازامات پەن ايارۋ جۇبى. قوس عاشىقتىڭ تانىستىعى مەكتەپ پارتاسىنان باستالىپتى.
– 2010 جىلى ءتورتىنشى سىنىپتا مەن العاش ازاماتتىڭ سىنىبىنا كەلدىم. سول كەزدەن تانىسپىز. دوستىعىمىز ماحابباتقا ۇلاسىپ وتباسى كۇنىندە شاڭىراق كوتەردىك. وتباسىلىق ءومىرىمىزدى قىزىقتا، بىرلىكتە وتكىزەمىز دەپ سەنەمىن. بولۋى مۇمكىن قيىندىقتاردى ءبىرلەسە ەڭسەرە الامىز دەپ ويلايمىن. بىزگە نەكە تۋرالى كۋالىك سالتاناتتى جاعدايدا بەرىلگەنىنە وتە قۋانىشتىمىز. بۇل كۇن وتباسى كۇنىمەن ءسايكەس كەلۋى كەزدەيسوق ەمەس. اتا-انامىز سياقتى باقىتتى جۇپ بولامىز دەپ ويلايمىز. وتباسىنىڭ قۇندىلىعى – ەكى ادامنىڭ ءبىر-بىرىنە قۇرمەتى دەپ سانايمىز, – دەيدى وتاناسى ايارۋ.
وتاۋ قۇرعان جاس شاڭىراق يەلەرىنە اعا بۋىن وكىلى ماقسوت بەرگەن اق باتاسىن اقتاردى. شارا سوڭى «بەرەكەلى ءومىردىڭ قۇپيالارى»تاقىرىبىنداعى ترەنينگكە جالعاستى.
