Halyqaralyq otbasy kúni merekesin Birikken Ulttar Uıymy Bas Assambleıasy 1993 jyly bekitti. Oralda Saltanat saraıynda Otbasy kúni qarsańynda 13 jas otaý qurdy. Jas shańyraq ıeleriniń baqytty sátterine kýá bolǵan oblys ákiminiń orynbasary Baqytjan Narymbetov neke týraly kýálikteri men oblys ákiminiń atynan Alǵys hattar tabystasa, aqsaqaldar aq batasyn berdi.
Oblysta byltyr úsh myńnan astam neke tirkelipti. Al bıyl jyl basynan beri 842 jup shańyraq kótergen. Úılengen juptardyń ortasha jasy 20 men 30-dyń aralyǵyn qurap otyr.
Merekeniń mańyzyna toqtalǵan óńir basshysynyń orynbasary Baqytjan Qaberuly jastarǵa aq tilegin bildirdi.
– Ulttyń yntymaǵy áýlettiń, otbasynyń yntymaǵynan bastalatyny sózsiz. Táýelsizdik jyldary alty mıllıonnan asa qazaqstandyq dúnıe esigin ashty. Al 2023 jylǵy 14 qarashada Qazaqstan halqynyń sany 20 mıllıonǵa jetkenibarshamyzǵa málim. Bul – memleket qurýjolyndaǵy úlken jetistik. Ata-babalarymyz «Otan – otbasynan bastalady» dep beker aıtpaǵan. Salt-dástúrge qurmet te, týǵan jerge súıispenshilik te qasıetti qarashańyraqtan bastaý alad. Otbasylyq qundylyqtardy nasıhattaý –memleketimizdiń basty mindetteriniń biri jáne basty nazarynda. Myqty otbasy – turaqty memleket. Sizder sanaly, salıqaly urpaq tárbıeleýge úles qosady dep senemiz, – degen Baqytjan Haberuly jas januıalarǵa ónegeli otbasylardyń jolyn tiledi.
Sharada Áıelder isteri jáne otbasylyq demografııalyq saıasat jónindegi ulttyq komıssııanyń múshesi Nazym Janǵazy januıadaǵy berekeniń, urpaq órbitýdiń mánine toqtaldy. –Otbasy degenimiz – kúndelikti bir-birin qushý, baılyq emes, otbasy dep bir-birine seriktes bola bilip, qol ustasyp, eshqandaı qıyndyqtan qoryqpaı, Qazaqstannyń demografııasyn ósiretin eki jupty aıtady. Elimizdiń halqynyń sany 20 mıllıonnan asty. Sizder de úles qosyp, demografııamyzdyń artýyna úles qosyńyzdar, – dedi N.Janǵazy.
Al Ulttyq komıssııa tóraıymynyń orynbasary Elena Tarasenko jas shańyraq ıelerin quttyqtap, baqytty otbasynyń negizine mán berdi.
Otbasy qurar kezde ár adam mańyzdy tańdaý jasaıdy. Ekeýara, bala jáne úlkender aldyndaǵy jaýapkershilik basty mindet. Otbasy basty baılyǵymyz. Sondyqtan qundylyqtardy salt-sanamyzben ushtastyrýymyz qajet. Qazaqstanda otbasyn damytý men qoldaýǵa memleket kóp kóńil bóledi. Jyl saıyn Qazaqstanda 100 myńǵa jýyq jup neke qurady. Shańyraq kótergen jastardyń uzaq ómir súrip, kópbalaly, baqytty ata-ana bolýyn tileımin. Memleket sizderdi qoldaýǵa árdaıym daıyn. Qazir shańyraq kóteretinder qatary artyp keledi. Bul óte qýantarlyq jaıt. Jastardyń otbasyn qurýǵa sanaly túrde qaraı bastaǵanyn bildiredi. – deıdi Ulttyq komıssııa tóraıymynyń orynbasary.
Nekesin zańdastyrǵandardyń biri Azamat pen Aıarý juby. Qos ǵashyqtyń tanystyǵy mektep partasynan bastalypty.
– 2010 jyly tórtinshi synypta men alǵash Azamattyń synybyna keldim. Sol kezden tanyspyz. Dostyǵymyz mahabbatqa ulasyp Otbasy kúninde shańyraq kóterdik. Otbasylyq ómirimizdi qyzyqta, birlikte ótkizemiz dep senemin. Bolýy múmkin qıyndyqtardy birlese eńsere alamyz dep oılaımyn. Bizge neke týraly kýálik saltanatty jaǵdaıda berilgenine óte qýanyshtymyz. Bul kún Otbasy kúnimen sáıkes kelýi kezdeısoq emes. Ata-anamyz sııaqty baqytty jup bolamyz dep oılaımyz. Otbasynyń qundylyǵy – eki adamnyń bir-birine qurmeti dep sanaımyz, – deıdi otanasy Aıarý.
Otaý qurǵan jas shańyraq ıelerine aǵa býyn ókili Maqsot Bergen aq batasyn aqtardy. Shara sońy «Berekeli ómirdiń qupııalary»taqyrybyndaǵy trenıngke jalǵasty.
