ورال قالاسى بويىنشا اۆتوموبيل جولدارىنىڭ جالپى ۇزىندىعى 690,3 شاقىرىم بولسا, ونىڭ ىشىندە جاقسى جانە قاناعاتتانارلىق جاعدايداعى جولداردىڭ ۇزىندىعى – 439,6, توپىراق جابىندى جولداردىڭ ۇزىندىعى 250,7 شاقىرىمدى قۇرايدى. اۆتوموبيل جولدارىنىڭ ساپاسىن جاقسارتۋ ماقساتىندا اعىمداعى جىلى جالپى ۇزىندىعى 107,6 شاقىرىم بولاتىن جول جوندەۋ جوسپارلانعان. بۇل تۋرالى ورال قالاسى اكىمىنىڭ ورىنباسارى جاندوس دۇيسەنعاليەۆ مالىمدەدى.
جاندوس اسحاتۇلىنىڭ ايتۋىنشا، كۇردەلى جوندەۋ – 9,05, قايتا قالپىنا كەلتىرۋ – 4,3, ورتاشا جوندەۋ – 66,4, ANT ءادىسىمەن اعىمداعى جوندەۋ – 27,8 شاقىرىمدى قۇرايدى. اتالعان بارلىق جوبالاردى جۇزەگە اسىرۋ ءۇشىن قاجەتتى قاراجات – 8,6 ملرد تەڭگە. بۇدان بولەك 2023 جىلى باستالىپ،وتپەلى كەزەڭمەن جوسپارلانعان 8 جوبا بويىنشا جول جوندەۋ جۇمىسى بيىل اياقتالادى دەپ كۇتىلۋدە.
– ءساۋىر ايىنىڭ سوڭىنان باستاپ كوشە جولدارىن اعىمداعى جانە ورتاشا جوندەۋ باستالدى. قىزىلجار جانە نەكراسوۆ, لەرمونتوۆ كوشەلەرىن ورتاشا جوندەۋ تولىق اياقتالدى، قازىر ءتيىستى جۇمىستار نازارباەۆ داڭعىلىندا جانە الاش كوشەسىندە جۇرگىزىلۋدە. ورتاشا جوندەۋمەن نەگىزگى ءارى كولىك قوزعالىسى قارقىندى كوشەلەر قامتىلادى. اعىمداعى جوندەۋ بويىنشا 50-دەن استام كوشە جوسپارلانسا، قازىرگى ۋاقىتتا 20 كوشە جوندەۋدەن ءوتتى. بيىل كوپىرلەردەگى دەفورماتسيالىق تىگىستەردى قالىپقا كەلتىرۋ، تەمىر جول وتكەلدەرىن جوندەۋ جۇرگىزىلۋدە، – دەيدى جاندوس اسحاتۇلى.
بيىل قالانىڭ جول قوزعالىسىن رەتتەيتىن تەحنيكالىق قۇرىلعىلاردى ورناتۋ ءجانە جوندەۋ بويىنشا بىرقاتار جۇمىس جوسپارلانعان. اتاپ ايتساق, 10 ورىنعا «جاياۋ جۇرگىنشىلەر وتكەلى» كومپو-بەلگىءسى, 20 جاساندى جول، 7 جاياۋ جۇرگىنشىلەرگە ارنالعان شاقىرۋ تۇيمەسى بار باعدارشام، 4 كوشە قيىلىسىنا باعدارشام، 5 ورىنعا پروەكتسيالىق جاياۋ جۇرگىنشىلەر وتكەلىنورناتۋ كوزدەلگەن. قالا بويىنشا بيىل 132 كوشەگەجول تاڭبالاۋ جوسپارلانعان.
– قالامىزدا سۋ تاسقىنىنا وراي توتەنشە جاعداي جاريالاندى. قازىر سۋ تاسقىنىنىڭ سالدارىن جويۋ جۇمىسى جۇرگىزىلۋدە. سوندىقتان جول جوندەۋگە قاتىستى كەيبىر جوبالار جۇزەگە اسپاۋى مۇمكىن. الايدا ءبىز مۇمكىندىگىنشە جول جوندەۋدى جوسپارعا ساي اتقارۋعا تىرىسامىز, – دەدى قالا باسشىسىنىڭ ورىنباسارى.
ايتا كەتۋ كەرەك، بيىل قالا اۋماعىندا كوشە جولدارىن ورتاشا جوندەۋگە قاتىستى 21 جوبانى جۇزەگە اسىرۋ كوزدەلگەن. قازىر مەردىگەر «ادال ارنا» جشس نازارباەۆ داڭعىلىن اباي داڭعىلىنان ەسكى شىركەۋگە دەيىن ورتاشا جوندەۋگە كىرىسكەن. جوسپارعا سايكەس، اتالعان داڭعىلدىڭ 4,5 شاقىرىمى جوندەلمەك. بۇدان بولەك، «دسك پريوريتەت» جشس الاش كوشەسى مەن ابدولوۆ كوشەسىندە دە ءتيىستى جۇمىس جۇرگىزۋدە.
