17 ساۋىردە رەسەيدىڭ «مينەرالنىە ۆودى» اۋەجايىنىڭ جانىنداعى عيماراتتاردىڭ بىرىندە بولدى. بۇل تۋرالى ەلدىڭ توتەنشە جاعدايلار مينيسترلىگى ايتتى، دەپ حابارلايدى «ادىرنا» ءتىلشىسى.
«اۋەجاي ماڭىنداعى كولىك تۇراعىندا 150 شارشى مەتر اۋماقتى قۇرايتىن ەكى قاباتتى عيماراتتىڭ شاتىرى ورتەندى. ءورت ءسوندىرىلدى»،— دەلىنگەن حابارلامادا.
مينيسترلىكتىڭ مالىمەتىنشە، وقيعا ورنىندا 55 ادام مەن 10 تەحنيكا جۇمىس ىستەگەن. زارداپ شەككەندەر تۋرالى اقپارات تۇسكەن جوق.
«Shot» Telegram ارناسى جەرگىلىكتى ۋاقىت بويىنشا 15:40-تا ماسكەۋ مەن استانادان شىققان ۇشاقتاردىڭ اۋەجايعا قونعانىن جازدى.
ايتا كەتەيىك، قازىرگى تاڭدا اۋەجاي قالىپتى رەجيمدە جۇمىس ىستەپ جاتىر.
بەينەجازبانى كورۋ ءۇشىن سىلتەمەنى باسىڭىز.
