ەكس-پرەزيدەنت نۇرسۇلتان نازارباەۆتىڭ بۇرىنعى كەلىنى گۇلميرا ساتىبالدى استانادان الماتىعا جەتكىزىلدى، دەپ حابارلايدى “ادىرنا” ۇلتتىق پورتالى
16 مامىردا الماتىدا گۇلميرا ساتىبالدانىڭ ءىسى بويىنشا الدىن الا تىڭداۋ ءوتتى. سوتتالۋشى استانادا بولعاندىقتان سوتقا ونلاين قوسىلدى. ساتىبالدى قازىر ءارتۇرلى ىستەر بويىنشا ەكى مەرزىمگە – سەگىز جانە جەتى جىلعا سوتتالۋدا.
قازىر وعان زاڭسىز باس بوستاندىعىنان ايىرۋ، اسا ءىرى كولەمدە بوپسالاۋ جانە اۋىر زارداپتارعا اكەپ سوقتىرعان وزبىرلىق جاسادى دەگەن ايىپ تاعىلىپ وتىر. ونىڭ جۇرگىزۋشىسى ءمادي باتىرشاەۆ تا ايىپتى سوتتا وتىر.
«قىلمىستىق كودەكستىڭ 126-بابىنىڭ 3-تارماعىنىڭ 3-تارماعىندا، 194-بابىنىڭ 4-بولىگىنىڭ 2-تارماعىندا، 389-بابىنىڭ 4-بولىگىندە كوزدەلگەن قىلمىستىق قۇقىق بۇزۋشىلىقتاردى جاسادى دەگەن ايىپپەن ساتىبالدى گۇلميراعا جانە قىلمىستىق قۇقىق بۇزۋشىلىق جاسادى دەگەن ايىپپەن باتارشاەۆ ماديگە قاتىستى قىلمىستىق ءىس بويىنشا نەگىزگى سوت وتىرىسىن تاعايىنداۋ، 2024 جىلى 30 مامىردا ساعات 10.00-دە قك-ءنىڭ 126-بابىنىڭ 3-بولىگىنىڭ 3-تارماعىندا كوزدەلگەن»، - دەدى سۋديا.
وفلاين سوت پروتسەسى الماتىدا ورىس تىلىندە وتەتىندىكتەن، سوتتالۋشىنى تاسىمالداۋ تۋرالى شەشىم قابىلداندى. ساتىبالدى ءىستى كاسىپقوي سۋديانىڭ ءبىر رەت قاراۋىمەن سوت ءىسىن جۇرگىزۋ نىسانىن تاڭداپ، القابيلەرمەن سوت تالقىلاۋىنان باس تارتتى.
ادۆوكات سوتتى جابىق ەسىك جاعدايىندا وتكىزۋدى سۇرادى. ولاردىڭ مالىمەتىنشە، ساتىبالدانىڭ بالالارىنا زيانى تيەدى. سۋديا بارلىق تۇسكەن وتىنىشتەردى قابىلدامادى.
