نازارباەۆ پەن توقاەۆقا ولەڭ ارناۋدان جالىقپايتىن اتى شۋلى اقىن بالتابەك ءار شىعارعان ولەڭىنە قانشا سۇرايتىنىن جاريا ەتتى، دەپ جازادى "ادىرنا" ۇلتتىق پورتالى.
"ماعان ارناپ ولەڭ شىعاراسىڭ با؟" دەپ جەكەمە حابارلاسۋشىلار وتە كوپ. بىردەن ايتايىن، 5 شۋماق ولەڭ باعاسى 200000 تگ. بۇل تەك قاراپايىم حالىق ءۇشىن عانا. بيلىكتەگىلەرگە باسقا باعا. جاڭا جىلدان باستاپ باعا وزگەرەدى. 5 شۋماق 1000000 تگ بولادى. ەلىمىز امان بولسىن! ءبىر نارسەنى ايتۋدى ۇمىتىپ بارادى ەكەنمىن. مەنىڭ ارنايتىن ولەڭىمنىڭ ۇلكەن ەمدىك قاسيەت-قۋاتى بار، جارقىرايسىز، تازاراسىز. جولىڭىز اشىلادى. بىراق اقشا تولەيتىن كەزدە، بۇرىسپەي-تىرىسپاي، شىن كوڭىلمەن بەرگەن ابزال. سەبەبى باسقالاي جاعدايدا كەرى اسەرى بولۋى مۇمكىن. سولاي", - دەپ جازدى بالتابەك اقىن ءوزىنىڭ فەيسبۋك پاراقشاسىندا.
"ادىرنا" ۇلتتىق پورتالى
