Eks-mınıstr Qýandyq Bıshimbaev áıelin óltirgeni úshin bas bostandyǵynan aıyryldy. Prokýror sottalýshynyń merzimine qatysty pikir bildirdi, dep habarlaıdy “Adyrna” ulttyq portaly.
Saltanat Núkenovany óltirgeni úshin eks-mınıstr Bıshimbaev 24 jylǵa túrmege qamaldy.
Prokýror Aıjan Aımaǵanova 24 jyl - taǵaıyndalǵan aıyptarǵa sáıkes eń joǵarǵy jaza ekenin aıtty. Negizinen jábirlenýshi tarap "Adam óltirý" baby boıynsha 20 jyl, "Azaptaý" baby boıynsha 7 jyl taǵaıyndaýdy suraǵan.
"24 jyl degen - eń aýyr jaza. Sońǵy 5 jyldaǵy tájirıbege sáıkes, alqabılerdiń qatysýymen ótken sotta atalǵan sanattaǵy ister boıynsha ómir boıyna bas bostandyǵynan aıyrý jazasy múlde qoldanylmaǵan", - deıdi Aıjan Aımaǵanova.
Sottalǵan Qýandyq Bıshimbaev jazasyn elorda irgesindegi qatań rejımdegi kolonııada ótemek.
