24 جاستاعى قىز قىتايدىڭ چانچجوۋ قالاسىندا تۇرعىن ءۇيدىڭ 17-ءشى قاباتىنان قۇلاپ كوز جۇمعان. قايعىلى وقيعا وسى جىلدىڭ 26 ساۋىرىندە بولىپتى. سانديرا سەرىكحانوۆا قىتايدىڭ تسزيانسۋ پروۆينتسياسىنداعى تەحنولوگيا ۋنيۆەرسيتەتىندە وقىپ جۇرگەن.
قىزدىڭ اكەسى مەن اعاسى دەرەۋ چانچجوۋ قالاسىنا اتتانعان. قازاقستاننىڭ شانحايداعى باس كونسۋلدىعىنىڭ كومەگىمەن مارقۇمنىڭ وتباسى قوعامدىق قاۋىپسىزدىك دەپارتامەنتى، سەرىكحانوۆا وقىعان ۋنيۆەرسيتەت پەن ساقتاندىرۋ كومپانياسىنىڭ وكىلدەرىمەن كەزدەستى. كەزدەسۋ كەزىندە قىزدىڭ تۋعان-تۋىستارىنا قايعىلى وقيعا بولعان ءۇيدىڭ كىرەبەرىسىندەگى كامەرالاردىڭ بەينەماتەريالدارى كورسەتىلدى.
تەرگەۋ قورىتىندىسىنا سايكەس، قازاقستاندىق قىزدىڭ جازاتايىم وقيعا سالدارىنان قازا بولعانى انىقتالدى. كىسى قولىنان كوز جۇمعانى راستالعان جوق.
2 مامىردا مارقۇمنىڭ دەنەسى بەيجىڭنەن نۇر-سۇلتان قالاسىنا جەتكىزىلدى.
ءىس نەگە قايتا قارالدى
22 مامىردا قىزدىڭ اكەسى قازاقستاننىڭ شانحايداعى كونسۋلدىعىنا جۇگىنىپ، ءىستى قايتا قاراۋدى سۇرادى. قازاقستاندىق ديپلوماتتار قىتاي پوليتسياسىنا ءتيىستى ءوتىنىش جولدادى.
ءىستى قايتا قاراۋ قورىتىندىسى بويىنشا، قىتاي پوليتسياسى سەرىكحانوۆانىڭ كىسى قولىنان كوز جۇمعانىن راستاعان جوق.
"ادىرنا" ۇلتتىق پورتالى
