تاجىكستان مينيسترلىگى قازاقستانعا بارۋدى جوسپارلاعان ءوز ازاماتتارىنا ەسكەرتۋ جاسادى، دەپ حابارلايدى "ادىرنا" ۇلتتىق پورتالى.
تاجىكستاننىڭ ءسىم قازاقستاننىڭ حالىقارالىق اۋەجايلارىندا ەنگىزىلگەن قاۋىپسىزدىك شارالارىنىڭ كۇشەيۋىنە بايلانىستى ءوز ازاماتتارىنا بارلىق قۇجاتتاردى الىپ جۇرۋلەرى قاجەت ەكەنىن ەسكەرتتى.
"قازاقستانعا كەلگەننەن كەيىن شەكارالىق جانە كەدەندىك باقىلاۋدان ءوتۋ كەزىندە تەكسەرۋلەر جۇرگىزگەن جاعدايدا تاجىكستان ازاماتتارى ساپاردىڭ ماقساتى مەن مەرزىمىنە، تۇرعىلىقتى جەرىنە، قازاقستاندا تانىستارىنىڭ نەمەسە تۋىستارىنىڭ بولۋىنا بايلانىستى سۇراقتارعا جاۋاپ بەرۋگە، قاجەت بولعان جاعدايدا ولاردىڭ تۇرعىلىقتى مەكەنجايى مەن بايلانىس تەلەفوندارىن ۇسىنا وتىرىپ، دايىن بولۋى قاجەت", - دەپ مالىمدەدى مينيسترلىك.
ەگەر قانداي دا ءبىر قيىندىقتار تۋىنداعان جاعدايدا تاجىكستان ازاماتتارى قازاقستانداعى تاجىكستان ەلشىلىگىنە مىنا نومەر بويىنشا جۇگىنە الادى +7 776 176 00 43.
