ىشكى ىستەر مينيسترلىگىندە ەرلىكپەن قازا تاپقان قىزمەتكەرلەر مەن ارداگەرلەردىڭ ەسىمى ۇلىقتالدى، دەپ حابارلايدى "ادىرنا" ۇلتتىق پورتالى
"وتان قورعاۋشىلار مەن جەڭىس كۇنى – رۋحى جاعىنان ءبىر-ءبىرىن تولىقتىراتىن، ۇرپاققا ساباق بولاتىن قوس تاريحي كۇندەر. كەشەگى جاۋ وعىنان قورعاعان مايدانگەرلەر، تىل ەڭبەككەرلەرى جانە بەيبىت زامان باتىرلارىنىڭ ەرلىكتەرىن ۇمىتپاۋ – ءبىزدىڭ قاستەرلى بورىشىمىز!" – دەدى ىشكى ىستەر ءمينيسترى ەرجان سادەنوۆ.
مەرەكەلىك شارادا ۇلى وتان سوعىسىندا ەرلىك كورسەتكەن ارداگەر قۇرمات راحيموۆ “قۇرمەت” وردەنىمەن ماراپاتتالدى. ەلدى جۋدان قورعاعان اقساقال بۇگىندە 100 جاسقا تولىپ وتىر.
ودان بولەك، تاۋەلسىزدىك جىلدارى قىزمەت بابىندا ىشكى ىستەر ورگاندارىنىڭ 800-دەن استام قىزمەتكەرى كوز جۇمعانى انىقتالدى. سونىڭ ءبىرى 1993 جىلى پوليتسيا عيماراتىنا جاسالعان قارۋلى شابۋىلعا تويتارىس بەرۋ كەزىندە قازا تاپقان ىشكى ىستەر باسقارماسىنىڭ اعا ينسپەكتورى اناتولي دوبرىنين. سونداي-اق جانىنداعى ارىپتەسى سەرىك ورازالين دە ەرلىك كورسەتكەن. قوس وفيتسەردىڭ ارەكەتى جوعارى باعالانىپ، مەملەكەتتىك ناگرادالار باتىرلاردىڭ اۋلەتىنە تەك 31 جىلدان كەيىن جەتتى.
ء"بىز بۇل جۇمىستى جالعاستىرامىز. ارحيۆتەردى زەردەلەيمىز. ەرلىكتەرى باعالانباي، كولەڭكەدە قالىپ قويعان باتىرلاردىڭ ەسىمدەرىن ۇلىقتايتىن بولامىز!" – دەدى ەرجان سادەنوۆ.
