ەرجۇمان وتەشۇلى سمايىل ەل گازەتى “ەگەمەن قازاقستانعا” 25 جىلدىق ماڭداي تەرى سىڭگەن بەدەلدى جۋرناليست، بۇقارالىق اقپارات قۇرالدارى سالاسىنداعى پرەزيدەنت سىيلىعىنىڭ تۇڭعىش لاۋرەاتى، قازاقستاننىڭ ەڭبەك سىڭىرگەن قايراتكەرى.
ەل تانىپ، جۇرت باعالاعان، باس باسىلىمدى ارقا توسىنە باستاپ بارىپ، ەلوردانىڭ وركەندەۋىنە وزىندىك ۇلەس قوسقان، ورەسى بيىك، ءورىسى كەڭ، ۇلتتىڭ ورتاق ۇلىنا اينالعان ەرجۇمان سمايىل – تالعار اۋدانىنىڭ تۋماسى، تۋعانباي اۋىلىنىڭ بالاسى، تالعار قالاسىنداعى ىرگەلى ءبىلىم مەكەمەسى سəكەن سەيفۋللين مەكتەبىنىڭ تۇلەگى. ول كىندىك قانى تامعان جەرىن بۇكىل قازاق دالاسىنا تانىتىپ قانا قويماي، كىشكەنتاي اۋىلىنان باستاپ، بار حالىقتىڭ مۇڭ-مۇقتاجىن اشىپ جازعان جۋرناليست بولدى. قاراماعىنداعى قىزمەتكەرلەردى تۋعان بالاسىنداي كورگەن، گازەتتىڭ قارا جۇمىسىن قارا ناردىڭ توزىمىمەن كوتەرگەن، قازاق ءباسپاسوزىن وركەندەتۋدى ومىرلىك ميسسياسى ەتكەن رەداكتور بولدى.
ەرجۇمان سمايىل – ماعىنالى عۇمىرىندا قازاق ءباسپاسوزىنىڭ قامىن ويلاپ، قولىنان قالامى تۇسپەگەن، جۇرەگىنەن ىزگىلىك پەن شاپاعات توگىلگەن، ارتىنا جارقىن ءىزىن قالدىرعان تۇلعا.
25 جىل بويى باس گازەتتىڭ اتاق-ابىرويى ءۇشىن باسپا جولىنىڭ ىستىعى مەن سۋىعىن كەشكەن، ءوزى عانا ەمەس، وزگەنى دە سولاي تəربيەلەگەن، ەڭبەكقورلىققا باۋلىعان، جاس بۋىن جۋرناليستەرىنىڭ كəسىبي جۋرناليست رەتىندە شىڭدالۋىنا قولداۋ كورسەتكەن، دەمەگەن ەرجۇمان وتەشۇلى سياقتى الىپ تۇلعالار كەمدە-كەم.
