Erjuman Óteshuly Smaıyl el gazeti “Egemen Qazaqstanǵa” 25 jyldyq mańdaı teri sińgen bedeldi jýrnalıst, Buqaralyq aqparat quraldary salasyndaǵy Prezıdent syılyǵynyń tuńǵysh laýreaty, Qazaqstannyń eńbek sińirgen qaıratkeri.
El tanyp, jurt baǵalaǵan, bas basylymdy Arqa tósine bastap baryp, elordanyń órkendeýine ózindik úles qosqan, óresi bıik, órisi keń, ulttyń ortaq ulyna aınalǵan Erjuman Smaıyl – Talǵar aýdanynyń týmasy, Týǵanbaı aýylynyń balasy, Talǵar qalasyndaǵy irgeli bilim mekemesi Səken Seıfýllın mektebiniń túlegi. Ol kindik qany tamǵan jerin búkil qazaq dalasyna tanytyp qana qoımaı, kishkentaı aýylynan bastap, bar halyqtyń muń-muqtajyn ashyp jazǵan jýrnalıst boldy. Qaramaǵyndaǵy qyzmetkerlerdi týǵan balasyndaı kórgen, gazettiń qara jumysyn qara nardyń tózimimen kótergen, qazaq baspasózin órkendetýdi ómirlik mıssııasy etken redaktor boldy.
Erjuman Smaıyl – maǵynaly ǵumyrynda qazaq baspasóziniń qamyn oılap, qolynan qalamy túspegen, júreginen izgilik pen shapaǵat tógilgen, artyna jarqyn izin qaldyrǵan tulǵa.
25 jyl boıy bas gazettiń ataq-abyroıy úshin baspa jolynyń ystyǵy men sýyǵyn keshken, ózi ǵana emes, ózgeni de solaı tərbıelegen, eńbekqorlyqqa baýlyǵan, jas býyn jýrnalısteriniń kəsibı jýrnalıst retinde shyńdalýyna qoldaý kórsetken, demegen Erjuman Óteshuly sııaqty alyp tulǵalar kemde-kem.
