التاي كولگىنوۆ قازاقستاننىڭ ەستونياداعى ەلشىلىگىندەگى رەسمي جۇمىسىن باستادى، دەپ حابارلايدى “ادىرنا” ۇلتتىق پورتالى سىرتقى ىستەر مينيسترلىگىنىڭ ءباسپاسوز قىزمەتىنە سىلتەپ.
«قازاقستان رەسپۋبليكاسىنىڭ ەستونياداعى ەلشىسى التاي كولگىنوۆ ەستونيا پرەزيدەنتى الار كاريسكە سەنىم گراموتاسىن تاپسىردى. اڭگىمەلەسۋ سوڭىندا ەستونيا پرەزيدەنتى قازاقستان ەلشىسىن رەسمي قىزمەتىنە كىرىسۋىمەن قۇتتىقتاپ، قازاقستان-ەستونيا قارىم-قاتىناستارىن ودان ءارى نىعايتۋدا زور تابىس تىلەدى»، - دەلىنگەن حابارلامادا.
اقپاراتقا سايكەس، كەزدەسۋ بارىسىندا تاراپتار قازاقستان مەن ەستونيا اراسىنداعى قارىم-قاتىناستاردىڭ دوستىق سيپاتىن، سونداي-اق ەكىجاقتى ىنتىماقتاستىقتى جان-جاقتى نىعايتۋعا جانە ەكى ەلدىڭ ءوزارا ءىس-قيمىلىن تەرەڭدەتۋگە باعىتتالعان دايەكتى باعىتتى ساقتاۋدىڭ ماڭىزدىلىعى تۋرالى حاباردار ەتتى.
ەسكە سالا كەتەيىك، بۇعان دەيىن كولگىنوۆ استانا اكىمى بولعانىندا قالاداعى سۋ ماسەلەسىنە قاتىستى سىنعا قالىپ، قىزمەتتەن كەتكەن ەدى. كولگىنوۆ 2016-2019 جىلدارى باتىس قازاقستان وبلىسىنىڭ اكىمى قىزمەتىن، 2019-2022 جىلدارى استانا قالاسىنىڭ اكىمى، 2022-2023 جىلدارى پرەمەر-ءمينيستردىڭ ورىنباسارى قىزمەتىن اتقارعان بولاتىن.
