استانادا جالپى قۇنى 848 ميلليون تەڭگەدەن اساتىن ەسىل اۋدانىن مەرەكەلىك بەزەندىرۋ قىزمەتتەرى بويىنشا مەملەكەتتىك ساتىپ الۋ كونكۋرسىنىن التاي كولگىنوۆ اكىمى بولىپ تۇرعان كەزدەگى تۇراقتى جەڭىمپاز جەڭىپ الدى، دەپ حابارلايدى “ادىرنا” ۇلتتىق پورتالى قازتاگ اگەنتتىگىنە سىلتەپ.
«تاپسىرىس بەرۋشى استانا قالاسى «ەسىل اۋدانى اكىمىنىڭ اپپاراتى» مەملەكەتتىك مەكەمەسى; اتاۋى – ەلدى مەكەندى/اۋداندى/قالانى مەرەكەلىك جانە باسقا دا ءىس-شارالارعا دايىنداۋ/كوركەمدەۋ جونىندەگى قىزمەتتەر; جوسپارلانعان سوما – 848 214 285,71 تەڭگە; لوتتىڭ مارتەبەسى – ساتىپ الۋ»، - دەلىنگەن مەملەكەتتىك ساتىپ الۋ پورتالىندا ورنالاستىرىلعان لوتتىڭ سيپاتتاماسىندا.
كونكۋرسقا قاتىسۋعا وتىنىمدەر 6 قاراشا مەن 9 قاراشا ارالىعىندا قابىلدانىپ، جەڭىمپاز «نوۆايا لەۆەل» جشس دەپ تانىلدى. ونىڭ باسشىسى «كومپرا» (كونتراگەنتتىك سەنىمدىلىك قىزمەتى) بويىنشا نيكولاي يۋرەۆيچ بوروۆينسكي.
ايتا كەتەيىك، «نوۆايا لەۆەل» جشس كولگىنوۆ استانا اكىمى بولىپ تۇرعان كەزەڭدە ءبىر ەمەس، بىرنەشە رەت وسىنداي بايقاۋلاردا جەڭىسكە جەتكەن بولاتىن.
تەحنيكالىق شارتتارعا سايكەس، قاراشا ايىنىڭ ءبىرىنشى ونكۇندىگىنىڭ سوڭىندا وتەتىن بايقاۋعا قىزمەت 31 جەلتوقسانعا دەيىن كورسەتىلۋى ءتيىس.
