8 جەلتوقسان كۇنى مەملەكەت باسشىسى قاسىم-جومارت توقاەۆتىڭ جارلىعىمەن استانا قالاسىنىڭ اكىمى قىزمەتىن اتقارعان التاي كولگىنوۆ ورنىنان ءتۇسىرىلىپ، جەڭىس ماحمۇدۇلى قاسىمبەك ەلوردانىڭ جاڭا اكىمى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
بۇل اقپاراتتى قر پرەزيدەنتىنىڭ ءباسپاسوز قىزمەتى جاريالادى.
قالانىڭ جاڭا اكىمى جەڭىس ماحمۋدۇلى قاسىمبەك 1975 جىلى جامبىل وبلىسىندا دۇنيەگە كەلگەن.
ءبىلىمى:
قازاق مەملەكەتتىك ساۋلەت-قۇرىلىس اكادەمياسىن "ساۋلەتشى-ديزاينەر" ماماندىعى بويىنشا اياقتادى. 2001 جىلى ل. ن. گۋميليوۆ اتىنداعى ەۋرازيا مەملەكەتتىك ۋنيۆەرسيتەتىن "مەملەكەتتىك جانە جەرگىلىكتى باسقارۋ" ماماندىعى بويىنشا اياقتادى.
ەڭبەك ءوتىلى:
ەڭبەك جولىن 1997 جىلى قازاق مەملەكەتتىك ساۋلەت-قۇرىلىس اكادەمياسىندا تاعىلىمگەر-زەرتتەۋشى بولىپ باستاعان.
- 1998-2000 جىلدارى قر مونوپولياعا قارسى ساياسات جونىندەگى كوميتەتىنىڭ ءبولىمىن باسقاردى;
- قر ككم سۋ كولىگى دەپارتامەنتىنىڭ ديرەكتورى بولىپ جۇمىس ىستەگەن. 2004 جىلدان 2005 جىلعا دەيىن "اقتاۋ حالىقارالىق تەڭىز ساۋدا پورتى" رمك ديرەكتورى بولدى;
- 2005 جىلعى قاراشادا ونى كولىك جانە كوممۋنيكاتسيا ۆيتسە-ءمينيسترى ەتىپ تاعايىندادى. سودان كەيىن كولىك جانە كوممۋنيكاتسيا مينيسترلىگىنىڭ جاۋاپتى حاتشىسى بولدى. كەيىنىرەك كولىك جانە كوممۋنيكاتسيا ءمينيسترى قىزمەتىن اتقارعان. بۇدان كەيىن ينۆەستيتسيالار جانە دامۋ ءمينيسترى، يندۋستريا جانە ينفراقۇرىلىمدىق دامۋ ءمينيسترى بولىپ جۇمىس ىستەدى.;
- 2019 جىلعى 25 اقپاندا قر پرەمەر-ءمينيسترىنىڭ ورىنباسارى بولدى. 2019 جىلعى 19 قىركۇيەكتە قاراعاندى وبلىسىنىڭ اكىمى بولىپ تاعايىندالدى.
"ادىرنا" ۇلتتىق پورتالى
