Sybailas jemqorlyqqa qarsy qyzmet azyq-tülık baǧasyn retteudegı sybailas jemqorlyq qūqyq būzuşylyqtardyŋ jolyn kesu turaly aitty, - dep habarlaidy "Adyrna" ūlttyq portaly.
Antikor azyq-tülık qauıpsızdıgın qamtamasyz etu kezınde sybailas jemqorlyqpen küres mäselelerın talqylady. Vedomstvonyŋ habarlauynşa, mausymaralyq kezeŋde ükımet äleumettık maŋyzy bar azyq-tülık tauarlarynyŋ baǧasyn ūstap tūruǧa jäne tūraqtandyruǧa baǧyttalǧan şaralardy qabyldauda.
"Būl mäsele äsırese su tasqynynan zardap şekken öŋırler üşın özektı bolyp otyr. Tauarlar Qazaqstan naryǧyna deldaldarsyz jäne barynşa qoljetımdı baǧamen tıkelei Täjıkstan men Özbekstannan jetkızıletın bolady. Ashat Jūmaǧali sybailas jemqorlyq täuekelderı men körınısterınıŋ aldyn alu maqsatynda aumaqtyq bölımşelerge osy üderısterdı baqylaudy tapsyrdy" delıngen Sybailas jemqorlyqqa qarsy qyzmet habarlamasynda.
Vedomstvo Sybailas jemqorlyqqa qarsy qyzmet kez kelgen jemqorlyq qūqyq būzuşylyqtardyŋ, onyŋ ışınde zaŋsyz paida aluǧa baǧyttalǧan türlı zaŋsyz shemalardy qūrumen bailanysty qylmystardyŋ jolyn kesetının atap öttı.
«Baǧa belgıleuge terıs äser etetın sybailas jemqorlyq faktorlaryna, onyŋ ışınde taraptardyŋ säikestıgıne, memlekettık apparattyŋ negızsız kedergıler jasauyna, naryqtyŋ josyqsyz qatysuşylarynyŋ aila-şarǧysyna jäne terıs paidalanuyna erekşe nazar audarylady», - dep atap öttı Antikor.
Ūqsas jaŋalyqtar
