قازاق ساتيراسىنىڭ كلاسسيگى، اقىن، قازاقستان جازۋشىلار وداعى سىيلىعىنىڭ يەگەرى وسپانحان اۋباكىروۆتىڭ تۋعانىنا بۇگىن 90 جىل تولىپ وتىر، - دەپ حابارلايدى “ادىرنا” ۇلتتىق پورتالى.
ءازىلىنىڭ سالماعى بار ساتيرانىڭ ساڭلاعى وسپانحان اۋباكىروۆ 1934 جىلدىڭ 4 مامىردا الماتى وبلىسى، جامبىل اۋدانىنداعى ۇشبۇلاق اۋىلىندا دۇنيەگە كەلگەن. ول قۇرمانعازى اتىنداعى قازاق مەملەكەتتىك كونسەرۆاتورياسىنىڭ تەاتر فاكۋلتەتىن تامامداعان. ماماندىعى اكتەر بولسا دا، ول ءوزىنىڭ شىعارماشىلىعىن ساتيرامەن بايلانىستىردى.
وسپانحان اۋباكىروۆ رەسپۋبليكالىق باسىلىمداردا، "ارا" جۋرنالىندا قىزمەت ەتتى. ول ساتيرالىق جانرمەن بىرگە بالارعا ارنالعان ولەڭ-جىر، ەرتەگى، پەسا، بەلگىلى كومپوزيتورلاردىڭ اندەرىنە ءماتىن جازۋمەن جانە اۋدارمامەن دە اينالىسقان. وسپانحان اۋباكىروۆكە 1983 جىلى بالالارعا ارنالعان "قاعاز قالپاق" ساتيرالىق جيناعى ءۇشىن قازاقستان جازۋشىلار وداعىنىڭ سىيلىعى بەرىلگەن.
بەلگىلى ساتيريكتىڭ وتىزدان استام شىعارمالارى مەن ولەڭدەر جيناعى جارىق كوردى. ول ءوزىنىڭ 52 جىل عۇمىرىندا سوڭىنا وشپەس ءىز، ولمەس مۇرا قالدىردى.
