Qazaq satırasynyń klassıgi, aqyn, Qazaqstan Jazýshylar Odaǵy syılyǵynyń ıegeri Ospanhan Áýbákirovtiń týǵanyna búgin 90 jyl tolyp otyr, - dep habarlaıdy “Adyrna” ulttyq portaly.
Áziliniń salmaǵy bar satıranyń sańlaǵy Ospanhan Áýbákirov 1934 jyldyń 4 mamyrda Almaty oblysy, Jambyl aýdanyndaǵy Úshbulaq aýylynda dúnıege kelgen. Ol Qurmanǵazy atyndaǵy Qazaq memlekettik konservatorııasynyń teatr fakýltetin támamdaǵan. Mamandyǵy akter bolsa da, ol óziniń shyǵarmashylyǵyn satıramen baılanystyrdy.
Ospanhan Áýbákirov respýblıkalyq basylymdarda, "Ara" jýrnalynda qyzmet etti. Ol satıralyq janrmen birge balarǵa arnalǵan óleń-jyr, ertegi, pesa, belgili kompozıtorlardyń ánderine mátin jazýmen jáne aýdarmamen de aınalysqan. Ospanhan Áýbákirovke 1983 jyly balalarǵa arnalǵan "Qaǵaz qalpaq" satıralyq jınaǵy úshin Qazaqstan Jazýshylar odaǵynyń syılyǵy berilgen.
Belgili satırıktiń otyzdan astam shyǵarmalary men óleńder jınaǵy jaryq kórdi. Ol óziniń 52 jyl ǵumyrynda sońyna óshpes iz, ólmes mura qaldyrdy.
