شىمكەنتتە "تازا قازاقستان" اكتسياسىنىڭ "ونەگەلى ۇرپاق" اپتالىعى باستالىپ، كوپتەگەن ءىس شارالار ۇيىمداستىرىلۋدا. بۇگىنگى ءىس-شارادا قالامىزدىڭ تازالىعىنا ارداگەرلەر ۇلەس قوستى. اعا بۋىن وكىلدەرى جاس بۋىنعا ۇلگى كورسەتتى دەسەك بولادى. اباي ساياباعىنا جينالعان بەلسەندىلەر «ۇرپاقتار ساباقتاستىعى» اتاۋىمەن اتا مەن نەمەرەنىڭ بىرلەسىپ اتقارعان ەڭبەگىنە كۋا بولدى.
وسىنداي ۇلگى مەن دانالىقتى دارىپتەپ، كەيىنگى جاس ۇرپاقتىڭ بويىندا تابيعاتقا، قورشاعان ورتاعا دەگەن جاناشىرلىق، قامقورلىق سەزىمدەرىن قالىپتاستىرۋ ماقساتىندا ۇيىمداستىرىلعان بۇل ءىس شاراعا قالاداعى بىرقاتار مەملەكەت جانە قوعام قايراتكەرلەرى، ارداگەرلەر كەڭەسىنىڭ مۇشەلەرى قاتىستى.
– ءوز قالامىزعا قامقورلىقپەن قاراۋ – ءار ازاماتتىڭ بورىشى. «تازا قازاقستان» اكتسياسى اياسىندا شىمكەنتتە كوپتەگەن ءىس-شارالار ۇيىمداستىرىلۋدا. بۇگىن «ونەگەلى ۇرپاق» اپتالىعىنا وراي نەمەرەلەرىمىزبەن بىرگە ساياباققا كەلىپ، تازالىق جۇمىستارىنا قاتىسىپ جاتىرمىز. ءوسىپ كەلە جاتقان بالالارىمىزعا، جاستارعا ونەگە ۇلگى بولسىن دەپ اتسالىسىپ جاتىرمىز. ال جاستارىمىز ۇلكەندەرگە، قاريالارعا، ارداگەرلەرگە كومەك كورسەتىپ، يگى ىستەرمەن اينالىسۋدا. وسىعان ۇلكەن العىسىمدى بىلدىرەمىن، – كەنجەحان تولەباەۆ.
350-دەي ادام قاتىسقان تازالىق جۇمىسىندا قاريالار مەن ارداگەرلەر ەرىكتى جاستارعا تازالاۋ، شوپتەردى ورۋ، قوقىستاردى شىعارۋ، اعاشتاردى اكتەۋ جۇمىستارىنا قول كومەك بەرىپ، اقىلدارىن ايتىپ، جول كورسەتتى. اسىرەسە قاريالار وسىنداي يگى ءىستىڭ ۇلى جەڭىس كۇنى قارساڭىندا وتكەنىنە قۋانىشتى.
